ස්පාඤ්ඤයේ හිටපු අග්රාමාත්ය හොසේ ලුයිස් රොද්රිගස් සපාටෙරෝට (Jose Luis Rodríguez Zapatero) එරෙහිව දූෂණ චෝදනා එල්ල වී තිබුණද, ඔහුට ලබා දෙන සහය ඉවත් කර ගැනීමට කිසිදු හේතුවක් නොමැති බව වත්මන් අග්රාමාත්ය පේද්රෝ සැන්චෙස් (Pedro Sánchez) මහතා ප්රකාශ කරයි.
වතිකානුවේදී පාප් වහන්සේ හමුවීමෙන් අනතුරුව රෝමයේ පැවති මාධ්ය හමුවකදී සැන්චෙස් මහතා මේ බව අවධාරණය කළේය. 2004 සිට 2011 දක්වා ස්පාඤ්ඤයේ පාලනය මෙහෙයවූ සපාටෙරෝ, 2021 වසරේදී ‘ප්ලස් අල්ට්රා’ (Plus Ultra) නමැති කුඩා ගුවන් සේවයට රජයෙන් ඇප ලබා දීමේදී සිදු වූ බව කියන මූල්ය අක්රමිකතා සම්බන්ධයෙන් ලබන මස අධිකරණය හමුවේ සාක්ෂි ලබා දීමට කැඳවා ඇත.තමන් අධිකරණ කටයුතු සඳහා පූර්ණ සහයෝගය ලබා දෙන බවත්, නීතිය ඉදිරියේ සැකකරුවෙකුගේ නිර්දෝෂීභාවය උපකල්පනය කිරීමේ අයිතියට තමන් ගරු කරන බවත් වත්මන් අග්රාමාත්යවරයා වැඩිදුරටත් සඳහන් කළේය.
