යුරෝපය පුරා මතුවෙමින් පවතින සතුරු තර්ජනවලට මුහුණ දීම සඳහා බ්රිතාන්ය සහ පෝලන්තය අතර නව ආරක්ෂක සහ ආරක්ෂණ ගිවිසුමක් අද (27) ලන්ඩන් නුවරදී අත්සන් කිරීමට නියමිතය. බ්රිතාන්ය අග්රාමාත්ය කීර් ස්ටාමර් සහ පෝලන්ත අග්රාමාත්ය ඩොනල්ඩ් ටස්ක් අතර පැවැත්වෙන සාකච්ඡාවකින් පසු මෙම ගිවිසුම අත්සන් කෙරෙනු ඇත. මෙය බ්රිතාන්ය විසින් මෑතකදී ප්රංශය සහ ජර්මනිය සමඟ අත්සන් තැබූ ආරක්ෂක ගිවිසුම්වලට සමාන පියවරකි.
මෙම ගිවිසුම මගින් දේශසීමා ආරක්ෂාව වැඩි දියුණු කිරීම, සංවිධානාත්මක අපරාධ මැඩපැවැත්වීම සහ යුරෝපා සංගමය සමඟ පවතින ආරක්ෂක සහයෝගිතාව ගැඹුරු කිරීම අපේක්ෂා කෙරේ. විශේෂයෙන්ම රුසියාව විසින් මෙහෙයවනු ලබන ආසන්නයේ සිදුවන ගිනි තැබීම්, සයිබර් ප්රහාර සහ ඔත්තු බැලීමේ ක්රියාකාරකම් වැනි දෙමුහුන් ප්රහාර (Hybrid attacks) ඉහළ යාම පිළිබඳව මෙහිදී දෙරටේ නායකයින් සාකච්ඡා කිරීමට නියමිතය.
ඇමෙරිකානු ජනාධිපති ඩොනල්ඩ් ට්රම්ප්ගේ පරිපාලනයෙන් යුරෝපයේ ආරක්ෂාව වෙනුවෙන් වැඩි වගකීමක් දරන ලෙස පීඩනයක් එල්ල වී ඇති පසුබිමක, මෙම ගිවිසුම මගින් නවීන ආරක්ෂක තර්ජනවලට මුහුණ දීම සඳහා දෙරටේ සබඳතා වඩාත් ශක්තිමත් කරනු ඇතැයි බ්රිතාන්ය අග්රාමාත්යවරයා පවසයි. මෙය පසුගිය පරම්පරාවක කාලය තුළ දෙරට අතර සිදුවන විශාලතම ආරක්ෂක පියවර බව ද ඔහු සඳහන් කරයි.
