ලෝක පාපන්දු සංගමයේ (ෆිෆා) සභාපති ජියානි ඉන්ෆන්ටිනෝගේ නායකත්වය සම්බන්ධයෙන් තමන්ට පවතින විශ්වාසය සම්පූර්ණයෙන්ම බිඳ වැටී ඇති බව නෝර්ඩික් පාපන්දු සංගම් විසින් ඒකාබද්ධව ප්රකාශ කර තිබේ.
හෙල්සින්කි නගරයේදී හමුවූ ඩෙන්මාර්කය, ෆින්ලන්තය, අයිස්ලන්තය, නෝර්වේ, ෆැරෝ දූපත් යන නෝර්ඩික් රටවල් 6 හි පාපන්දු සංගම් මෙම දුර්ලභ ඒකාබද්ධ ප්රකාශය නිකුත් කර ඇත. ලෝක කුසලාන වැනි ප්රධාන තරගාවලිවල කොටස් පුද්ගලික කොටස් හිමියන්ට (private equity) විකිණීමට ඔහු ඉදිරිපත් කළ මතභේදාත්මක යෝජනාව සහ සංවිධානයේ පාලන තන්ත්රයේ පවතින ගැටලු හේතුවෙන් ඔහු ඉල්ලා අස්විය යුතු බවට වන ඉල්ලීම්වලට මෙම රටවල් ද සහාය පළ කර තිබේ.
ලෝක කුසලාන තරගාවලි හෝ ෆිෆා පාලනය කිසිදු දිනක පුද්ගලික අයිතියට විවෘත නොකරන බවට දැඩි සහතිකයක් ලබා දෙන ලෙසත්, සංවිධානය තුළ පුළුල් ප්රතිසංස්කරණ සිදු කරන ලෙසත් ඔවුන් දැඩි ලෙස ඉල්ලා සිටිති. මාර්තුවේ පැවැත්වීමට නියමිත ෆිෆා සභාපතිවරණයේදී සිව්වන වරටත් ධුරය අපේක්ෂා කරන ඉන්ෆන්ටිනෝට එරෙහිව මෙම විරෝධය මතුව තිබේ.
