උතුරු චීනයේ පිහිටි ප්රධාන ගල්අඟුරු පතලක අද (23) සිදුවූ දරුණු ගෑස් පිපිරීමකින් අවම වශයෙන් පතල් කම්කරුවන් 8 දෙනෙකු ජීවිතක්ෂයට පත්ව ඇති බව විදෙස් මාධ්ය වාර්තා කරයි. මෙම අනතුරත් සමඟ තවත් කම්කරුවන් 38 දෙනෙකු තවමත් පතල තුළ සිරවී සිටින අතර, පිපිරීමෙන් පිටවූ අධික විෂ වායුව ආග්රහණය වීම හේතුවෙන් ඔවුන්ගේ සෞඛ්ය තත්ත්වය මේ වන විට දැඩි ලෙස පිරිහී ඇති බව ද වාර්තා වේ.
අනතුර සිදුවන අවස්ථාවේදී අදාළ පතල් පරිශ්රය තුළ කම්කරුවන් 247 දෙනෙකු සේවය කරමින් සිට ඇති අතර, ඉන් 201 දෙනෙකු ඉතා කඩිනමින් සහ ආරක්ෂිතව පිටතට මුදා ගැනීමට චීන සහන කණ්ඩායම් සමත්ව තිබේ. පතල තුළ සිරවී සිටින සෙසු කම්කරුවන් බේරාගැනීම සඳහා විශේෂ ඔක්සිජන් කට්ටල සහ උපකරණ භාවිත කරමින් දැවැන්ත මෙහෙයුමක් දියත් කර ඇති නමුත්, භූගතව පවතින අධික වායු සාන්ද්රණය හේතුවෙන් සහන සේවා කටයුතුවලට දැඩි බාධා එල්ල වී ඇත. චීනයේ පතල් ක්ෂේත්රයේ ආරක්ෂිත ක්රමවේදයන් පිළිබඳව නැවතත් දැඩි කතාබහක් නිර්මාණය කිරීමට මෙම අනතුර හේතු වී තිබේ.
