ඇමෙරිකාව සහ දකුණු කොරියාව එක්ව පවත්වන ඒකාබද්ධ හමුදා අභ්යාසවලට මෙන්ම වත්මන් ඉරාන යුද තත්ත්වයට ප්රතිචාර දැක්වීමක් ලෙස උතුරු කොරියාව අද (12) සිය නවතම කෲස් මිසයිල (Cruise Missiles) අත්හදා බැලීමක් සිදු කර තිබේ. උතුරු කොරියානු නායක කිම් ජොන් උන් සහ ඔහුගේ දියණිය යුද නෞකාවක සිට මෙම අත්හදා බැලීම සෘජුවම නිරීක්ෂණය කර ඇති අතර, එම මිසයිල ඉලක්ක වෙත සාර්ථකව ළඟා වූ බව එරට රාජ්ය මාධ්ය වාර්තා කරයි.
යුද විශ්ලේෂකයන් පෙන්වා දෙන්නේ ඉරාන යුද්ධය හේතුවෙන් ඇමෙරිකාව මැදපෙරදිග කලාපය කෙරෙහි අවධානය යොමු කර ඇති මොහොතක, උතුරු කොරියාව මෙලෙස සිය ප්රහාරක ශක්තිය ප්රදර්ශනය කිරීම කලාපීය ආරක්ෂාවට දැඩි බලපෑමක් එල්ල කරන බවයි. ඇමෙරිකාව විසින් උතුරු කොරියාවට එරෙහිව පනවා ඇති සම්බාධක නොතකා, කිම් ජොන් උන් පාලනය සිය න්යෂ්ටික සහ මිසයිල වැඩසටහන් තවදුරටත් වේගවත් කර ඇති බව මෙමගින් මනාව පැහැදිලි වේ.
මෙම මිසයිල අත්හදා බැලීමත් සමඟ දකුණු කොරියාව සහ ජපානය සිය ආරක්ෂක විධිවිධාන තර කිරීමට පියවර ගෙන ඇති අතර, උතුරු කොරියාවේ මෙම ක්රියාව ජාත්යන්තර සාමයට තර්ජනයක් බව ඇමෙරිකානු ආරක්ෂක අංශ පවසයි.
