නුවරඑළිය දිස්ත්රික් සංවර්ධන කමිටු රැස්වීමට සහභාගී නොවූ වගකිවයුතු රජයේ නිලධාරීන්ට එරෙහිව කටයුතු කරන බව නුවරඑළිය දිස්ත්රික් සංවර්ධන කමිටුවේ සභාපති සහ පාර්ලිමේන්තු මන්ත්රී මංජුල සුරවීරආරච්චි මහතා පවසනවා.
নෝර්වුඩ් සහ තලවකැලේ ප්රාදේශීය ලේකම් කොට්ඨාශවලට අදාළ ප්රාදේශීය සංවර්ධන කමිටු රැස්වීම කොටගල හින්දු කෝවිලේ සංස්කෘතික ශාලාවේදී මන්ත්රීවරයාගේ ප්රධානත්වයෙන් පැවැත්වුණු අතර, එහිදී රාජ්ය ආයතනවල නිලධාරීන් 40%ක් පමණ සහභාගී වී නොමැති බව අනාවරණය විය.
මධ්යම පළාතේ මාර්ග සංවර්ධනයට රජය විසින් බිලියන 96ක් වෙන් කර ඇති බවත්, ඉන් බිලියන 65ක් නුවරඑළිය දිස්ත්රික්කයට ලබා දී ඇති බවත් මෙහිදී සඳහන් කෙරිණි. අස්වැසුම මුදල් වංචාවලට සම්බන්ධ සැකකරුවන්ට එරෙහිව නීතිය තදින් ක්රියාත්මක කරන බවත්, වංචා දූෂණ නැති කරන වත්මන් රජය යටතේ යම්කිසි අයෙකුට යළි එවැනි වංචා කිරීමට ඉඩ ලබා නොදෙන බවත් මන්ත්රීවරයා අවධාරණය කළේය. තවද, කොටගල වූටන් වත්තේ නිවාස සංකීර්ණයට ජලය සහ විදුලිය ලබාගැනීමේ ගැටලු මෙන්ම හැටන් ලංගම ඩිපෝවේ කාර්යසාධනය පිළිබඳවද මෙහිදී විශේෂ අවධානය යොමු කර ඇත. මෙම රැස්වීම සඳහා නුවරඑළිය දිස්ත්රික් පාර්ලිමේන්තු මන්ත්රී ක්රිෂ්නන් කලෙයිචෙල්වි මෙනවියද සහභාගී වී සිටියාය.
