නුවරඑළිය කේන්ද්ර කර ගනිමින් අප්රේල් මාසය පුරා පැවැත්වෙන වසන්ත සැණකෙළිය ඉලක්ක කරගනිමින් කැප්පෙටිපොල ප්රදේශයේ මල් වගාකරුවන් සිය මල් පැල අලෙවිය සඳහා සූදානම්ව සිටිති. වසරේ අප්රේල් මාසය මල් වගාව ජීවනෝපාය කරගත් පවුල් රැසකට ඉහළ ආදායමක් ලැබෙන කාල වකවානුවක් වන අතර, මෙවරද විශාල මල් පැල ප්රමාණයක් අලෙවිය සඳහා සකස් කර ඇති බව වාර්තා වේ.
බණ්ඩාරවෙල, දියතලාව සහ ඇල්ල වැනි සංචාරක ස්ථාන කරා වැලිමඩ – නුවරඑළිය ප්රධාන මාර්ගය ඔස්සේ ගමන් කරන දේශීය සංචාරකයින් ඉලක්ක කර ගනිමින් මෙම මල් පැල ප්රදර්ශනය කර තිබේ. රෝස, කපුරු, කැක්ටස්, ඉම්පේෂියා ඇතුළු විසිතුරු මල් වර්ග මෙන්ම විසිතුරු පත්ර පැල ද ඉතා සහනදායී මිලට තමන්ගෙන් මිලදී ගත හැකි බව වගාකරුවන් පවසති. වසන්ත සමයේ සංචාරය කරන ජනතාවගෙන් ඔවුන් ඉල්ලා සිටින්නේ තම සංචාරයේ මතක සටහනක් ලෙස මල් පැලයක් මිලදී ගෙන තම ජීවනෝපාය ශක්තිමත් කිරීමට සහාය වන ලෙසයි.
