ලෝකය පුරා සහ ඇමෙරිකාව තුළ පවතින දැඩි දේශපාලන හා සමාජයීය ධ්රැවීකරණය (Polarization) හේතුවෙන් එරට ප්රජාතන්ත්රවාදය, සිවිල් සිරිත් විරිත්, සාරධර්ම සහ එකිනෙකාට ගරු කිරීමේ පොදු අවබෝධය බිඳ වැටෙමින් පවතින බව හිටපු ඇමෙරිකානු ජනාධිපති බැරැක් ඔබාමා (Barack Obama) මහතා පවසයි. චිකාගෝ නුවර ඉදිකළ සිය ජනාධිපති මධ්යස්ථානය විවෘත කිරීමේ උත්සවයට සමගාමීව මාධ්ය වෙත අදහස් දක්වමින් ඔහු කියා සිටියේ, වර්තමානයේ රට තුළ පවතින දැඩි මතභේදාත්මක වාතාවරණය හමුවේ ප්රජාතන්ත්රවාදී වටිනාකම් බිඳ වැටෙන බව බොහෝ දෙනෙකුට හැඟී යාම සාධාරණ බවයි. කෙසේ වුවද, තමන් තවමත් රට පුරා සංචාරය කරන විට සාමාන්ය ජනතාව අතර පවතින යහපත්කම සහ මානුෂීය ගතිගුණ මනාව දැකගත හැකි බවත්, පවතින දේශපාලන අර්බුද මධ්යයේ වුවද ජනතාව තුළ පවතින එම සාමූහික හැඟීම තවමත් මුළුමනින්ම නැතිවී ගොස් නොමැති බවත් ඔබාමා මහතා වැඩිදුරටත් අවධාරණය කළේය.
