මෙම වසරේ පැවැත්වෙන අපොස සාමාන්ය පෙළ විභාගය සඳහා ඉල්ලුම් කිරීමට ලබා දී ඇති කාල සීමාව කිසිදු හේතුවක් මත දීර්ඝ නොකරන බව විභාග කොමසාරිස් ජනරාල් ඒ.කේ.එස්. ඉන්දිකා කුමාරි ලියනගේ මහත්මිය සඳහන් කළාය. ඒ අනුව, අයදුම්පත් භාර ගැනීම කලින් දැනුම් දුන් පරිදි හෙට දිනෙන් (ජූලි 23) අවසන් වේ.
පසුගිය ජූලි 03 වන දින සිට මාර්ගගත (online) ක්රමය ඔස්සේ අයදුම්පත් කැඳවීම ආරම්භ කෙරිණි.
ජාතික හැඳුනුම්පත ලබාගෙන නොමැති පාසල් අයදුම්කරුවන් සම්බන්ධයෙන් අනුගමනය කළ යුතු විශේෂ උපදෙස් මාලාවක් විදුහල්පතිවරුන් වෙත ලබා දී ඇත. එසේම, හැඳුනුම්පත් නොමැති පෞද්ගලික අයදුම්කරුවන්ට භාරකරුගේ ජාතික හැඳුනුම්පත් අංකය භාවිත කර ලියාපදිංචි වී අයදුම්පත් ඉදිරිපත් කිරීමේ පහසුකම් සලසා දී තිබේ.
මේ සම්බන්ධයෙන් කිසියම් ගැටළුවක් ඇත්නම් 1911 ක්ෂණික දුරකතන අංකයට හෝ 0112784537, 0112786616, 0112784208 යන අංකවලට ඇමතීමෙන් වැඩිදුර තොරතුරු ලබාගත හැක.
සියලුම අයදුම්කරුවන් විභාග නිවේදනයේ දක්වා ඇති උපදෙස් නිසි පරිදි අනුගමනය කරමින් හෙට දිනට (23) පෙර තම අයදුම්පත් මාර්ගගතව යොමු කරන ලෙස විභාග දෙපාර්තමේන්තුව දැඩිව දන්වා සිටියි.
