දිවයින පුරා පවතින අධික වර්ෂාව සහ තද සුළං ඇතුළු අයහපත් කාලගුණික තත්ත්වය හේතුවෙන් පුද්ගලයින් 27,000කට අධික පිරිසක් පීඩාවට පත්ව ඇති බව ආපදා කළමනාකරණ මධ්යස්ථානය (DMC) පවසයි.
අද (23) පස්වරුවේ එම මධ්යස්ථානය විසින් නිකුත් කරන ලද නවතම වාර්තාවට අනුව, මේ වන විට දිස්ත්රික්ක 6කට අයත් ප්රාදේශීය ලේකම් කොට්ඨාස 34ක පවුල් 6,907ක් නියෝජනය කරමින් පුද්ගලයින් 27,419 දෙනෙකු ආපදාවට ලක්ව සිටිති. මෙම අවාසනාවන්ත තත්ත්වය හමුවේ එක් පුද්ගල මරණයක්ද වාර්තා වී තිබේ.
අයහපත් කාලගුණය හේතුවෙන් සිදුවූ දේපළ හානි පිළිබඳව සඳහන් කරමින් ආපදා කළමනාකරණ මධ්යස්ථානය පෙන්වා දෙන්නේ නිවාස 02ක් සම්පූර්ණයෙන්ම විනාශ වී ඇති අතර, තවත් නිවාස 807කට අර්ධ වශයෙන් හානි සිදුව ඇති බවයි. පීඩාවට පත් ජනතාවට සහන සැලසීමේ සහ හදිසි ආපදා තත්ත්වයන්ට මුහුණ දීමේ කටයුතු මේ වන විටත් ප්රාදේශීය මට්ටමින් ක්රියාත්මකය.
