දීර්ඝ කාලයක් තිස්සේ කල් දමා ඇති පළාත් සභා මැතිවරණය පැවැත්වීමට අදාළ නිර්දේශ ඉදිරිපත් කිරීම සඳහා පත් කළ පාර්ලිමේන්තු විශේෂ කාරක සභාව හමුවට මැතිවරණ කොමිෂන් සභාවේ සාමාජිකයින් කැඳවා තිබේ. පළාත් සභා ඡන්ද විමසීම කුමන මැතිවරණ ක්රමවේදයක් යටතේ පැවැත්විය යුතු ද යන්න පිළිබඳව අවසන් තීරණයකට එළඹීම සහ ඒ සඳහා වන යෝජනා මෙන්ම නිර්දේශ ලබා ගැනීම මෙම කැඳවීමේ ප්රධාන අරමුණ වී ඇත.
පළාත් සභා මැතිවරණ ක්රමය සහ ඊට අදාළ නීතිමය රාමුව සකස් කිරීම සඳහා පත් කරන ලද මෙම විශේෂ කාරක සභාව, එහි සභාපති අමාත්ය විජිත හේරත් මහතාගේ ප්රධානත්වයෙන් මීට පෙර ද අවස්ථා කිහිපයකදී රැස්වී මූලික කරුණු සාකච්ඡා කර තිබේ. ඉදිරි පළාත් සභා මැතිවරණය කඩිනමින් සහ වඩාත් විනිවිදභාවයකින් යුත් ක්රමවේදයක් යටතේ පැවැත්වීමට අවශ්ය නීතිමය මෙන්ම ප්රායෝගික පසුබිම සකස් කිරීම සඳහා මැතිවරණ කොමිසමේ අදහස් මෙහිදී තීරණාත්මක වනු ඇතැයි අපේක්ෂා කෙරේ.
