පේරාදෙණිය විශ්වවිද්යාලයේ හිටපු උපකුලපති මහාචාර්ය ළමාවංශ මහතා විසින් විශ්වවිද්යාලයට අයත් වෑන් රථයක් පෞද්ගලික කටයුත්තක් සඳහා අවභාවිත කළ බවට එල්ල වී ඇති චෝදනාවක් සම්බන්ධයෙන් අල්ලස් හා දූෂණ විමර්ශන කොමිෂන් සභාව විසින් පරීක්ෂණයක් ආරම්භ කර තිබේ.
2023 ජනවාරි 11 වන දින රාත්රී කාලයේදී පේරාදෙණිය විශ්වවිද්යාලයේ සාමාන්ය සේවා අංශයට අයත් KDH වර්ගයේ වෑන් රථය (CP NP 3264) කොළඹ-නුවර මාර්ගය ඔස්සේ කඩවත හරහා අධිවේගී මාර්ගයෙන් හක්මන දෙනගම දක්වා කිලෝමීටර් 600කට ආසන්න දුරක් ධාවනය කරවා ඇත. හිටපු උපකුලපතිවරයාගේ මෑණියන්ගේ මෘත දේහය ගෙන ගිය අවමංගල රථයට පසුපසින් ගමන් කිරීම සඳහා මෙම රථය යොදාගෙන ඇති අතර, රියදුරන් දෙදෙනෙකුගේ අතිකාල දීමනා, අධිවේගී මාර්ග ගාස්තු සහ ඉන්ධන පිරිවැය සියල්ල විශ්වවිද්යාල අරමුදල්වලින් පියවා තිබේ. හක්මන දෙනගම ප්රදේශයේ කිසිදු නිල රාජකාරී කටයුත්තක් නොමැතිව, සම්පූර්ණයෙන්ම පෞද්ගලික කටයුත්තක් සඳහා රාජ්ය දේපළ මෙලෙස අවභාවිත කර ඇති බව තහවුරු වී ඇත.
