පේරාදෙණිය විශ්වවිද්යාලයේ ඉහළම පාලන අධිකාරිය වන පාලක සභාව සාමාජිකයන් 27 දෙනෙකුගෙන් යුක්ත වන අතර, ඉන් සාමාජිකයන් 13 දෙනෙකු විශ්වවිද්යාලයේ අධ්යයන කාර්ය මණ්ඩලය තුළින් නිල බලයෙන් පත්වන අතර 14 දෙනෙකු උසස් අධ්යාපන අමාත්යවරයා විසින් බාහිරින් පත් කරනු ලබයි. උපකුලපතිවරයා නිල බලයෙන්ම පාලක සභාවේ සභාපතිවරයා ලෙස කටයුතු කරයි.
කෙසේ වෙතත්, පේරාදෙණිය විශ්වවිද්යාලයේ පාලක සභාවේ සභාපතිවරයා වන උපකුලපති ටෙරන්ස් මධුජිත්ට මෙම සංයුතිය පිළිබඳව අවබෝධයක් නොමැති බව හෝ तत्සම්බන්ධයෙන් අමතකව ගොස් තිබෙන බව, ඊයේ (05) පැවැති ශ්රී ලංකා පාර්ලිමේන්තුවේ කෝප් කමිටු සමාලෝචන රැස්වීමේදී මනාව ප්රදර්ශනය විය.
එහිදී කෝප් කමිටු සභාපතිවරයා පාලක සභාවේ සාමාජිකයන් ගණන කොපමණදැයි විමසූ අවස්ථාවේදී, උපකුලපති මධුජිත් එය 15ක් සහ 14ක් යනුවෙන් පවසමින් තවත් වැරදි සහගත සංඛ්යා ගණනාවක් ඉදිරිපත් කරමින් දැඩි අපහසුතාවයට ලක්විය. පසුව සභාවේ සිටි වෙනත් සාමාජිකයෙකු විසින් නිවැරදි සංඛ්යාව පවසමින් ඔහුව එම අපහසුතාවයෙන් ගලවා ගැනීමට කටයුතු කර තිබේ.
තමන් සභාපතිවරයා ලෙස කටයුතු කරන පාලක සභාවේ සංයුතිය පවා නොදැන සිටීම තුළින් උපකුලපතිවරයාගේ නොසැලකිල්ල සහ වගකීම් විරහිතභාවය ප්රදර්ශනය වන බව පේරාදෙණිය විශ්වවිද්යාලයේ විද්වත්හු පෙන්වා දෙති.
