ශ්රී ලංකන් ගුවන් සමාගම සඳහා එයාර් බස් (Airbus) යානා මිලදී ගැනීමේදී සිදුවූවා යැයි කියන මූල්ය අක්රමිකතා පිළිබඳ විමර්ශනයට අදාළව ප්රකාශයක් ලබාදීම සඳහා හිටපු අමාත්ය පියංකර ජයරත්න මහතා මීට නොබෝ වේලාවකට පෙර අල්ලස් හෝ දූෂණ චෝදනා විමර්ශන කොමිෂන් සභාව හමුවට පැමිණ තිබේ.
2013 වසරේදී සිදුවූ මෙම ආන්දෝලනාත්මක ගනුදෙනුව සම්බන්ධයෙන් හිටපු ජනාධිපති මහින්ද රාජපක්ෂ මහතා අද (12) පෙරවරුවේ අල්ලස් කොමිසම හමුවේ පෙනී සිටි අතර, එම වකවානුවේ සිවිල් ගුවන් සේවා අමාත්යවරයා ලෙස කටයුතු කළ පියංකර ජයරත්න මහතාගෙන් ද ප්රකාශ සටහන් කර ගැනීමට නියමිතය. අදාළ මිලදී ගැනීම්වලදී සිදුවූ බව කියන අල්ලස් ලබා ගැනීම් සහ මූල්ය දූෂණ සම්බන්ධයෙන් කොමිසම දැනට පුළුල් පරීක්ෂණයක් පවත්වමින් සිටියි.
පසුගිය පාලන සමයන්හි රාජ්ය ආයතන තුළ සිදුවූ මහා පරිමාණ දූෂණ පිළිබඳ සිදුකෙරෙන විමර්ශන මාලාවක කොටසක් ලෙස මෙම කැඳවීම් සිදු කර ඇති බව වාර්තා වේ.
