2026 වසරේ පළමු ශ්රේණියෙන් ආරම්භ කළ නව අධ්යාපන ප්රතිසංස්කරණ වැඩපිළිවෙළ 2027 වසරේ සිට 6 වන ශ්රේණියට ද හඳුන්වා දෙන බව අග්රාමාත්ය ආචාර්ය හරිනි අමරසූරිය මහත්මිය අද (05) පාර්ලිමේන්තුවේදී ප්රකාශ කළාය.
පාර්ලිමේන්තු මන්ත්රී චාමර සම්පත් මහතා යොමු කළ ප්රශ්නයකට පිළිතුරු දෙමින් අග්රාමාත්යවරිය සඳහන් කළේ 6 වන ශ්රේණියේ ප්රතිසංස්කරණවලට අදාළ විෂය කමිටු පත් කිරීම, මොඩියුල සමාලෝචනය සහ අවශ්ය වෙනස්කම් සාකච්ඡා කර අවසන් බවයි. එම මොඩියුල මුද්රණය කිරීම මේ මාසයේදී ආරම්භ වන අතර, ඊට අදාළ ගුරු පුහුණු වැඩසටහන් සඳහා ප්රතිපාදන වෙන් කර ජුනි මාසයේදී ආරම්භ කිරීමට නියමිත බවද ඇය සඳහන් කළාය.
ප්රතිසංස්කරණ ක්රියාවලියේ ප්රගතිය පිළිබඳව අදහස් දැක්වූ අග්රාමාත්යවරිය, 2027 වසරේ සිට දෙවන ශ්රේණිය සඳහා ද නව ප්රතිසංස්කරණ ක්රියාත්මක වන බවත්, අධ්යාපන ප්රතිසංස්කරණ අධීක්ෂණය සඳහා ජාතික මෙහෙයුම් කමිටුවක් පත් කර ඇති බවත් පැවසුවාය. එසේම ගුරුවරුන් සහ දෙමාපියන් දැනුවත් කිරීමේ වැඩසටහන් ජූලි සහ අගෝස්තු මාසවලදී ආරම්භ කිරීමට නියමිතය.
අධ්යාපන පද්ධතියේ පවතින තත්ත්වය පැහැදිලි කරමින් ඇය පෙන්වා දුන්නේ 2025 උසස් පෙළ සඳහා පෙනී සිටි පිරිස පළමු ශ්රේණියට ඇතුළත් වූවන්ගෙන් 65.29%ක් බවත්, සාමාන්ය පෙළ සඳහා පෙනී සිටින ප්රතිශතය 92% – 95% අතර ඉහළ මට්ටමක පවතින බවත්ය. රජය අපහසුතාවයට පත් කිරීමේ අරමුණින් බාධා කිරීම් සිදු නොවන්නේ නම් මෙම ප්රතිසංස්කරණ සාර්ථකව නිම කළ හැකි බව අග්රාමාත්යවරිය වැඩිදුරටත් අවධාරණය කළාය.
