පොලිස්පතිතුමාගේ උපදෙස් පරිදි අපරාධ සහ මත්ද්රව්ය නිවාරණය කිරීමේ අරමුණින් දිවයින පුරා ක්රියාත්මක වන විශේෂ මෙහෙයුම් මාලාව අඛණ්ඩව ඉදිරියටම ක්රියාත්මක වේ. මෙම වැඩපිළිවෙළ යටතේ සියලුම කොට්ඨාස මට්ටමින් ප්රාදේශීය පොලිස් ස්ථාන ඒකාබද්ධ කරමින් විධිමත් සෝදිසි කිරීම් සිදුකරන අතර එහිදී අපරාධවලට සම්බන්ධ පුද්ගලයින් සහ වරෙන්තුකරුවන් අත්අඩංගුවට ගැනීම කෙරෙහි විශේෂ අවධානයක් යොමු කර ඇත. ශ්රී ලංකා පොලිසිය විසින් දියත් කරනු ලබන මෙම මෙහෙයුම මඟින් මහජන ආරක්ෂාව තහවුරු කිරීම සහ නීති විරෝධී ක්රියා මැඩපැවැත්වීම අපේක්ෂා කෙරේ.
පසුගිය 2026 අප්රේල් 29 වන දින සිදුකළ මෙහෙයුම්වල ප්රතිඵල අනුව පුද්ගලයින් 35,411 දෙනෙකු සෝදිසි කිරීම්වලට ලක් කර ඇති අතර එහිදී සැකපිට පුද්ගලයින් 671 දෙනෙකු අත්අඩංගුවට ගෙන තිබේ. මේ අතර අපරාධවලට සෘජුවම සම්බන්ධ පුද්ගලයින් 28 දෙනෙකු, දින නියමිත වරෙන්තුකරුවන් 250 දෙනෙකු සහ විවෘත වරෙන්තු නිකුත් කර තිබූ පුද්ගලයින් 169 දෙනෙකුද පොලිස් භාරයට ගෙන ඇත. මාර්ග ආරක්ෂාව තහවුරු කිරීමේ අරමුණින් සිදුකළ රථවාහන පරීක්ෂාවලදී බේබදු රියදුරන් 115 දෙනෙකු සහ අපරික්ෂාකාරී ලෙස රිය පැදවූ පුද්ගලයින් 82 දෙනෙකු අත්අඩංගුවට ගෙන ඇති අතර සමස්තයක් ලෙස රථවාහන වැරදි 4,695 ක් වාර්තා වී ඇති බව පොලිස් මාධ්ය කොට්ඨාසය සඳහන් කරයි.
