මත්ද්රව්ය ජාවාරමෙන් උපයාගත් මුදල් යොදවා මිලදී ගත් බවට සැකකෙරෙන රුපියල් මිලියන 70ක් (කෝටි 7ක්) පමණ වටිනා සුඛෝපභෝගී බස් රථ දෙකක් මුදල් විශුද්ධිකරණය වැළැක්වීමේ පනත යටතේ තහනමට ගැනීමට පොලිසිය පියවර ගෙන තිබේ. සංවිධානාත්මක අපරාධකරුවකු සහ මහා පරිමාණ මත්ද්රව්ය ජාවාරම්කරුවකු විසින් නීති විරෝධී ලෙස උපයාගත් මුදල්වලින් සිය සමීපතමයින්ගේ නම්වලින් දේපළ මිලදී ගෙන ඇති බවට අනාවරණය වීමත් සමඟ නීති විරෝධී වත්කම් විමර්ශන කොට්ඨාසය මෙම මෙහෙයුම ක්රියාත්මක කර ඇත.
මෙම සිද්ධියට අදාළ ප්රධාන සැකකරු විදේශගතව සිටියදී අත්අඩංගුවට ගෙන දැනට රිමාන්ඩ් බන්ධනාගාරගතව පසුවන අතර, අදාළ බස් රථයක වත්මන් අයිතිකරු ලෙස පෙනී සිටි ඇඹිලිපිටිය ප්රදේශයේ පදිංචි 41 හැවිරිදි පුද්ගලයෙකු ද මුදල් විශුද්ධිකරණයට ආධාර අනුබල දීමේ චෝදනාව මත මැයි 07 වනදා අත්අඩංගුවට ගෙන තිබේ. මෙම ජාවාරමට සම්බන්ධ අනෙකුත් දේපළ සහ පුද්ගලයින් පිළිබඳව නීති විරෝධී වත්කම් විමර්ශන කොට්ඨාසය වැඩිදුර පරීක්ෂණ පවත්වයි.
