ජාත්යන්තර පොලීසිය (INTERPOL) විසින් පළමු වරට සංවිධානය කරනු ලබන “මහජන සන්නිවේදනය උදෙසා වූ ගෝලීය සමුළුවට” සහභාගී වීම සඳහා පොලිස් මාධ්ය ප්රකාශක නීතිවේදී ෆෙඩ්රික් වුට්ලර් මහතා ප්රංශය බලා පිටත්ව ගොස් තිබේ. ප්රංශයේ ලියෝන් නගරයේදී හෙට (28) සිට 30 දක්වා මෙම සමුළුව පැවැත්වීමට නියමිතය.
ශ්රී ලංකා පොලීසිය විසින් ක්රියාත්මක කරන ලද අර්බුද කළමනාකරණ ක්රමවේදයන්හි සාර්ථකත්වය සහ ‘INTERPOL VANGUARD B’ ව්යාපෘතියට වුට්ලර් මහතා දැක්වූ දායකත්වය අගයමින් මෙම ආරාධනය ලැබී ඇත. විශේෂයෙන්ම 2025 වසරේ නොවැම්බර් මස ඇති වූ ‘දිට්වා ආපදා’ සමයේදී ශ්රී ලංකා පොලීසිය සිදුකළ කාර්යක්ෂම සන්නිවේදන මෙහෙයුම පිළිබඳව ඔහු මෙහිදී ජාත්යන්තරය හමුවේ දේශනයක් පැවැත්වීමට නියමිතය. ඔහු මෙරට නොමැති කාලය තුළ සහකාර පොලිස් අධිකාරී මිනුර සෙනරත් මහතා වැඩබලන පොලිස් මාධ්ය ප්රකාශක ලෙස කටයුතු කරනු ලබයි.
