කැස්පියන් මුහුදේ පිහිටි ඉරාන වෙළෙඳ නෞකාවකට යුක්රේන ඩ්රෝන ප්රහාරයක් එල්ල වීමට එරෙහිව ඉරානය දැඩි විරෝධය පළ කිරීමෙන් අනතුරුව, යුක්රේන විදේශ අමාත්ය අන්ද්රි සිබිහා (Andrii Sybiha) සිය ඉරාන සගයා වන අබ්බාස් අරක්චි (Abbas Araqchi) වෙත දුරකථන ඇමතුමක් ලබා දෙමින් තත්ත්වය තවදුරටත් උග්ර නොකරන ලෙසත්, රුසියාවට ලබා දෙන සියලු හමුදාමය සහයෝගයන් වහාම අත්හිටුවන ලෙසත් ප්රකාශ කර තිබේ.
යුක්රේනයේ ආරක්ෂාව වෙනුවෙන් සිදුකරන ක්රියාමාර්ග කිසිවිටෙකත් සිවිල් නෞකා හෝ සාමාන්ය ජනතාව ඉලක්ක කරගෙන සිදු නොකරන බව පවසා ඇති සිබිහා මහතා, රුසියාවේ නීති විරෝධී ආක්රමණයට ඉරානය සහය දැක්වීම නතර කළ යුතු බව සූසමාජ මාධ්ය සටහනක් තබමින් වැඩිදුරටත් සඳහන් කළේය. කැස්පියන් මුහුදේ සිදුවූ ප්රහාරයෙන් නැවියෙකු මියගොස් තවත් අයෙකු තුවාල ලැබූ අතර, ඊට එරෙහිව ප්රතිචාර දක්වන බවට ඉරානය කලින් තර්ජනය කර තිබිණි.
මේ අතර ඉශ්රායල විදේශ අමාත්ය ගිඩියොන් සාර් (Gideon Saar) ද යුක්රේන විදේශ අමාත්යවරයා සමඟ සාකච්ඡා කර ඇති අතර, ඉරානයෙන් එල්ල වන තර්ජන හමුවේ දෙරට අතර සහයෝගීතාව තවදුරටත් ශක්තිමත් කරගැනීමට අවධානය යොමු කර ඇත.
තොරතුරු උපුටා ගැනීම: Reuters ඇසුරින්
