අධිවේගී මාර්ගවල අසුන් පටි (seat belts) නොමැතිව ගමන් කරන මගීන්ට එරෙහිව නීතිමය ක්රියාමාර්ග ගැනීමට සිදුවන බව පොලිසිය අනතුරු ඇඟවීමක් කර තිබේ. පොලිස් රථවාහන කළමනාකරණ සහ මාර්ග ආරක්ෂාව භාර නියෝජ්ය පොලිස්පති ඩබ්ලිව්.පී.ජේ. සෙනෙවිරත්න මහතා සඳහන් කර ඇත්තේ අධිවේගී මාර්ග භාවිත කරන වාහනවල ගමන් කළ යුත්තේ වාහනයේ අසුන් පටි සමන්විත අසුන් සංඛ්යාවට අනුකූලව පමණක් බවයි.
නිදසුනක් ලෙස පසුපස අසුනේ ඇත්තේ අසුන් පටි දෙකක් පමණක් නම් එහි ගමන් කළ යුත්තේ මගීන් දෙදෙනෙකු පමණක් බවත්, මැද අසුනේ තවත් මගියෙකු අසුන් පටියකින් තොරව ගමන් කළහොත් එම මගියාට එරෙහිව නීතිමය ක්රියාමාර්ග ගන්නා බවද ඒ මහතා වැඩිදුරටත් පවසා ඇත.
