පෝලන්ත පාර්ලිමේන්තු මන්ත්රී කොන්රඩ් බර්කොවිච් (Konrad Berkowicz) විසින් ඊශ්රායල ධජය මත නාසි සංකේතයක් වන ‘ස්වස්තිකය’ ප්රදර්ශනය කරමින් සිදුකළ ප්රකාශයක් හේතුවෙන් ජාත්යන්තර වශයෙන් දැඩි උණුසුම්කාරී තත්ත්වයක් නිර්මාණය වී තිබේ. පාර්ලිමේන්තුව අමතමින් ඔහු ඊශ්රායලය “නාසීන්” ලෙසත්, වර්තමාන ඊශ්රායලය “නව තුන්වන රීච් අධිරාජ්යය” (New Third Reich) ලෙසත් හඳුන්වමින් චෝදනා කළේය.
මෙම සිදුවීම සම්බන්ධයෙන් ඊශ්රායල රජය සිය දැඩි අප්රසාදය සහ විරෝධය පළ කර ඇති අතර, එය අතිශය නින්දිත යුදෙව් විරෝධී (Antisemitic) ක්රියාවක් බව පවසා ඇත. කෙසේ වෙතත්, ඊශ්රායලයේ විරෝධය හමුවේ සිය ස්ථාවරය වෙනස් නොකළ මන්ත්රී බර්කොවිච්, “මුළු පලස්තීනය පුරාම ඔබ සිදුකරන ජන සංහාරය මම හෙළා දකිනවා. මම ඔබව සලකන්නේ නාසීන් ලෙසයි” යනුවෙන් පවසමින් සිය චෝදනා තවදුරටත් දැඩි කළේය.
පලස්තීන සහ ලෙබනන දේශසීමා ආශ්රිතව පවතින යුදමය වාතාවරණය හමුවේ ඊශ්රායලය ජාත්යන්තර ප්රජාවේ දැඩි විවේචනයට ලක්ව ඇති මොහොතක, යුරෝපීය පාර්ලිමේන්තු මන්ත්රීවරයෙකු මෙලෙස සෘජු චෝදනා එල්ල කිරීම කැපී පෙනෙන සිදුවීමකි. ඊශ්රායලය විසින් එල්ල කරන “සදාචාරාත්මක පීඩනයන්ට” (Moral blackmail) ලෝකය තවදුරටත් අවනත නොවන බවත්, ඔවුන්ගේ ක්රියාවන් දැන් ලෝක අවධානයට සෘජුවම ලක්ව ඇති බවත් දේශපාලන විචාරකයෝ පෙන්වා දෙති.
තොරතුරු උපුටා ගැනීම: mario nawfal(x) ඇසුරින්
