පොළොන්නරුව සේවාගම ප්රදේශයේ මද්දකට හසුවී සිටි හඳුන් දිවියෙකු (Fishing Cat – Prionailurus viverrinus) වනජීවී නිලධාරීන් විසින් බේරාගෙන තිබේ. සත්වයා මද්දකට හසුවී සිටින බවට පොළොන්නරුව වනජීවී සහකාර අධ්යක්ෂ කාර්යාලයට ලැබුණු තොරතුරක් අනුව නිලධාරීන් එම ස්ථානයට ගොස් බේරාගැනීම සිදුකර ඇත.
මද්දෙන් මුදාගත් හඳුන් දිවියා අවශ්ය ප්රතිකාර ලබාදීම සඳහා ගිරිතලේ වනජීවී පශු වෛද්ය කාර්යාලය වෙත භාරදී තිබේ. සත්වයාට සිදුව ඇති තුවාලවල ස්වභාවය හෝ තත්ත්වය පිළිබඳ වැඩිදුර තොරතුරු මෙතෙක් අනාවරණය කර නොමැත.
මේ වනවිට හඳුන් දිවියා වනජීවී පශු වෛද්ය නිලධාරීන්ගේ අධීක්ෂණය යටතේ ප්රතිකාර ලබමින් සිටින බව වාර්තා වේ. මද්ද තැබූ පුද්ගලයන් හෝ එය තැබීමට හේතුව සම්බන්ධයෙන් ලබාදී ඇති තොරතුරුවල වැඩිදුර විස්තර සඳහන් නොවේ.
