සමලිංගික යුවළ සඳහා කතෝලික පල්ලියේ ආශිර්වාදය ලබාදීම සම්බන්ධයෙන් සිය පූර්වගාමියා වූ ෆ්රැන්සිස් පාප්වහන්සේ ගත් පියවරවලින් ඔබ්බට යාමට තමන් අපේක්ෂා නොකරන බව ලියෝ (Leo XIV) පාප්වහන්සේ ඊයේ (අප්රේල් 23) ප්රකාශ කළහ. නව පියවරක් ගැනීම කතෝලික සභාව තුළ බෙදීම් ඇති වීමට හේතු විය හැකි බව උන්වහන්සේ පෙන්වා දුන්හ.
අප්රිකානු රටවල් හතරක සංචාරය නිමා කර නැවත රෝමය බලා පැමිණෙන අතරතුර පැවැත්වූ මාධ්ය හමුවකදී අමෙරිකානු ජාතික පළමු පාප්වහන්සේ වන ලියෝ පාප්වහන්සේ මේ බව ප්රකාශ කළහ. 2023 වසරේදී ෆ්රැන්සිස් පාප්වහන්සේ ගත් තීරණය අගය කළ ද, එම ආශිර්වාද ගැන්වීම් තවදුරටත් විධිමත් (Formalized) කිරීමට වතිකානය අදහස් නොකරන බව උන්වහන්සේ අවධාරණය කළහ.
2025 වසරේදී අභාවප්රාප්ත වූ ෆ්රැන්සිස් පාප්වහන්සේ, ආගමික වත්පිළිවෙත්වලින් බැහැරව අවිධිමත් ලෙස සමලිංගික යුවළ සඳහා ආශිර්වාද කිරීමට පියවර ගෙන තිබුණි. මෙම තීරණය අප්රිකානු රටවල් ඇතුළු බොහෝ ප්රදේශවල රදගුරු මණ්ඩලවල විවේචනයට ලක් වූ අතර, පල්ලිය තුළ සමගිය රැක ගැනීම සඳහා දැනට පවතින තත්ත්වයෙන් ඔබ්බට නොයාම වැදගත් බව ලියෝ පාප්වහන්සේගේ අදහසයි. ජර්මානු රදගුරු මණ්ඩලය මෙම ආශිර්වාද ගැන්වීම් විධිමත් චාරිත්රයක් ලෙස හඳුන්වා දීමට උත්සාහ කළ ද, ලියෝ පාප්වහන්සේ එය අනුමත නොකරන බවට ඉඟි පළ කළහ.
