ශ්‍රී ලංකා රක්ෂණ සංස්ථාවට රුපියල් 4,750,828.72ක පාඩුවක් සිදු කළ බවට එල්ල වී ඇති චෝදනාවක් සම්බන්ධයෙන් හිටපු අමාත්‍ය ප්‍රසන්න රණතුංග මහතාට එරෙහිව පවරා ඇති අල්ලස් නඩුව ලබන ජනවාරි 26 වැනිදා දක්වා කල් තැබීමට කොළඹ ප්‍රධාන මහේස්ත්‍රාත් අසංග එස්. බෝදරගම මහතා අද (20) නියෝග කර තිබේ.
සංචාරක අමාත්‍යාංශය යටතේ පවතින ශ්‍රී ලංකා සංචාරක සංවර්ධන අධිකාරිය ඇතුළු ආයතන හතරක සේවකයන් සඳහා වෛද්‍ය රක්ෂණාවරණ ලබාගැනීමේදී තැරැව්කාර සමාගමකට අයුතු වාසියක් ලබාදීමෙන් ශ්‍රී ලංකා රක්ෂණ සංස්ථාවට මෙම පාඩුව සිදුකළ බවට අල්ලස් හෝ දූෂණ චෝදනා විමර්ශන කොමිෂන් සභාව චෝදනා කරයි.
අදාළ නඩුව අද කැඳවූ අවස්ථාවේදී අල්ලස් කොමිසම ඉදිරිපත් කළ කරුණු සලකා බැලීමෙන් අනතුරුව නඩුව කල් තැබීමට අධිකරණය නියෝග කර ඇත. ප්‍රසන්න රණතුංග මහතාද අද ඇප මත සිටිමින් අධිකරණය හමුවේ පෙනී සිටියේය.
