තමන් ඇතුළු විපක්ෂයේ පිරිස් බන්ධනාගාරගත කර හෝ හිරේ දමා මෙම දේශපාලන වැඩපිළිවෙළ නැවැත්වීමට ආණ්ඩුව උත්සාහ කරන්නේ නම් එය ඉතා මෝඩ ක්රියාවක් බව හිටපු රාජ්ය අමාත්ය ප්රසන්න රණවීර මහතා පවසයි.
නාමල් රාජපක්ෂ මහතා අල්ලස් කොමිසම හමුවට පැමිණි අවස්ථාවේදී මාධ්ය වෙත අදහස් දක්වමින් ඒ මහතා පෙන්වා දුන්නේ, තමන් දේශපාලනයෙන් පසුබැස ඇති බවට නැගෙන චෝදනා පදනම් විරහිත බවත්, ලබන 12 වනදා පැවැත්වෙන අනුරාධපුර ජන රැස්වීම අතිසාර්ථක ලෙස පවත්වන බවත්ය. මහින්ද රාජපක්ෂ මහතා මෙන්ම නාමල් රාජපක්ෂ මහතාද සිය සංවර්ධන සහ දේශපාලන ජන අරගලය ආරම්භ කරන්නේ අනුරාධපුරයෙන් බවත්, මෙම ජන රැස්වීම වත්මන් ආණ්ඩුවේ පැහැදිලි හැරවුම් ලක්ෂය වනු ඇති බවත් ප්රසන්න රණවීර මහතා වැඩිදුරටත් සඳහන් කළේය.
