ශ්රී ලංකාවේ යටිතල පහසුකම් සංවර්ධනය, නිෂ්පාදන කර්මාන්ත ඇතුළු ප්රමුඛතා ක්ෂේත්රයන්හි පවතින පුළුල් ව්යාපාරික අවස්ථා ගවේෂණය කරන ලෙස ජනාධිපති අනුර කුමාර දිසානායක මහතා වියට්නාම් ව්යාපාරික ප්රජාවගෙන් ඉල්ලා සිටියි. වියට්නාම ජනාධිපති ටෝ ලාම් මහතාගේ මෙරට සංචාරයට සමගාමීව පැවැති ශ්රී ලංකා – වියට්නාම් වෙළෙඳ සහ ආයෝජන සංසදය අමතමින් ජනාධිපතිවරයා මේ බව සඳහන් කළේය. දෙරට අතර පවතින දීර්ඝකාලීන මිත්රත්වය ආර්ථික සහයෝගීතාවක් දක්වා වර්ධනය කරගැනීමේ වැදගත්කම පෙන්වා දුන් ඒ මහතා, මෙරට ආයෝජනය කරන විදේශීය ව්යාපාරිකයින් සඳහා රජයෙන් උපරිම සහයෝගය ලබාදෙන බවට ද සහතික විය. විශේෂයෙන්ම කෘෂිකාර්මික නිෂ්පාදන, තාක්ෂණික අංශය සහ නව නිපැයුම් ක්ෂේත්රයන්හි වියට්නාමයේ අත්දැකීම් ශ්රී ලංකාවට වැදගත් වන බවත්, මෙම නව ආයෝජන අවස්ථා හරහා දෙරටේම ආර්ථික සමෘද්ධිය ළඟා කරගත හැකි බවත් ජනාධිපතිවරයා මෙහිදී වැඩිදුරටත් අවධාරණය කළේය.
