ජනාධිපති රනිල් වික්රමසිංහ මහතා මෙරටට බලපා ඇති සියලු ප්රශ්න විසඳනු ඇතැයි තමන් විශ්වාස කරන බව ජාත්යන්තර දේශගුණික විපර්යාස පිළිබඳ ජනාධිපති උපදේශක එරික් සෝල්හෙයිම් මහතා පවසයි.
ඒ මහතා මේ බව පැවසුවේ පුනර්ජනනීය බලශක්තිය සියයට 70 ක ඉලක්කයකට ළඟා කර ගැනීම, 2050 වනවිට කාබන් මධ්යස්ථභාවය (carbon neutrality) ලබාගැනීම, කාබන් විමෝචන බලපත්ර වෙනුවෙන් වූ ජාත්යන්තර වෙළෙඳ පොළ සොයා යෑම යන ඉලක්ක තුන සපුරා ගැනීම සඳහා විදෙස් ආයෝජකයන් ගෙන්වා ගැනීම රජයේ සැලසුම සම්බන්ධයෙන් පසුගිය 19 වනදා ජනාධිපති කාර්යාලයේ පැවැති සාකච්ඡාවෙදිය.
දේශගුණික විපර්යාස අවම කර ගැනීමේ ව්යාපෘති වෙනුවෙන් මෙරටට විදෙස් ආයෝජකයන් ගෙන්වා ගැනීම කෙරෙහි රජයේ අවධානය යොමුවී ඇත.
සහනදායි දේශගුණික මූල්යකරණය, කාබන් බැර කිරීම, කාබන් වෙළෙඳ පොළ, පුනර්ජනනීය බලශක්තිය සහ හයිඩ්රජන් වැනි අනාගත බලශක්ති ප්රභව පිළිබඳව සෝල්හයිම් මහතා සිය ජාත්යන්තර දැනුම මෙම සාකච්ඡාව සඳහා එක්ව සිටි නිලධාරීන් සමඟ හුවමාරු කර ගනු ලැබීය.
පුනර්ජනීය බලශක්තිය සම්බන්ධව ද අදහස් දැක්වූ සෝල්හයිම් මහතා ඉන්දියාව සහ චීනය වැනි රටවල් එහි ප්රබල වාසි රැසක් හිමි කර ගෙන සිටින බවත්, ශ්රී ලංකාවට ද එම වාසි අත් කර හැකි බවත් පෙන්වා දුන්නේය.
එසේම ජනාධිපති රනිල් වික්රමසිංහ මහතා මෙරටට බලපා ඇති සියලු ප්රශ්න විසඳනු ඇතැයි තමන් විශ්වාස කරන බවත් සෝල්හයිම් මහතා වැඩිදුරටත් පෙන්වා දුන්නේය.
මෙහිදී අදහස් දැක්වූ රුවන් විජයවර්ධන මහතා ප්රකාශ කළේ පුනර්ජනනීය බලශක්ති අංශය වේගයෙන් වර්ධනය වන අංශයක් බවත් යුරෝපය, ඇමෙරිකාව, කැනඩාව ඇතුළු රටවල එවැනි ආයෝජකයන් විශාල වශයෙන් සිටින බවත්ය.
ඒ අනුව මෙරට ජනතාවට වාසි අත්වන පරිදි එම ආයෝජන ගෙන්වා ගැනීමට කටයුතු කළ යුතු බව පෙන්වා දුන් රුවන් විජයවර්ධන මහතා, ප්රතිපත්ති සම්පාදනය කිරීමේදී ඒ පිළිබඳ දැඩි අවධානය යොමු කළ යුතු බවත් පැවසීය.
එසේම පුනර්ජනනීය බලශක්තිය පිළිබඳව සමුළුවක් ඉදිරියේ දී පැවැත්වීමට නියමිත බවත්, ඒ තුළින් ආයෝජකයන් අප රටට ආකර්ෂණය කර ගැනීමට හැකියාව ලැබෙනු ඇතැයි විශ්වාස කරන බවත් රුවන් විජයවර්ධන මහතා වැඩිදුරටත් සඳහන් කළේය.
මෙම අවස්ථාවට පරිසර අමාත්යාංශයේ ලේකම් අනිල් ජාසිංහ, දේශගුණික විපර්යාස කාර්යාලයේ අධ්යක්ෂිකා කුමුදුනී විද්යාලංකාර , එහි සහකාර අධ්යක්ෂ ආර්.එම් ආර්.ඩී වීරසූරිය, බාහිර මූලාශ්ර දෙපාර්තමේන්තුවේ (department of external source ) අතිරේක අධ්යක්ෂ ජනරාල් උදේනි උඩුගහපත්තුව, විදුලිබල හා බලශක්ති අමාත්යාංශයේ අධ්යක්ෂ පණ්ඩුල ද සිල්වා, ශ්රී ලංකා විදුලි බල මණ්ඩලයේ නියෝජ්ය සාමාන්යාධිකාරි ඉංජිනේරු එම්.එල්. වීරසිංහ, ප්රධාන ඉංජිනේරු වජිර විජේකෝන් , ප්රධාන ඉංජිනේරු කේ. රාම්ජි, සජන සූරියාරච්චි, හෂාන් ජයකොඩි යන මහත්ම මහත්මීන් මෙන්ම සුනිත්ය බලශක්ති අධිකාරියේ නියෝජිතයන්ද සහභාගී වූහ.
