හෝමුස් සමුද්ර සන්ධිය ආශ්රිතව ඇමෙරිකාව සහ ඉරානය අතර ඇති වී තිබෙන නවතම යුදමය උණුසුම සමනය කිරීම සඳහා කටාර් රාජ්යය, ඕමානය සහ පාකිස්ථානය සමඟ එක්ව සක්රීයව කටයුතු කරමින් සිටින බව කටාර් විදේශ අමාත්යාංශ ප්රකාශක මාජෙඩ් අල්-අන්සාරි (Majed al-Ansari) සඳහන් කරයි.
හෝමුස් සමුද්ර සන්ධියේ පවතින අර්බුදයට රාජ්යතාන්ත්රික විසඳුමක් නොලැබුණහොත් එය සියලු පාර්ශ්වයන්ට හානි පමුණුවන තවත් විශාල ගැටුමකට මගපාදනු ඇති බවට හෙතෙම අනතුරු අඟවයි. ඇමෙරිකාව විසින් ඉරානයේ ලාරක් දූපතට (Larak Island) ප්රහාර එල්ල කිරීම, ඊට ප්රතිචාර ලෙස ඉරානය ජෝර්දානයේ පිහිටි ඇමෙරිකානු කඳවුරුවලට මිසයිල ප්රහාර එල්ල කිරීම සහ හෝමුස් සන්ධියේදී තෙල් නැවකට ප්රහාර එල්ල වීමෙන් පසු මෙම සාමකාමී මැදිහත්වීම ආරම්භ කර ඇත. කෙසේ වෙතත්, මෙතෙක් දෙපාර්ශ්වය අතර සිදුකළ සියලු සාකච්ඡා අසාර්ථක වී ඇති බැවින්, ප්රබල රාජ්යතාන්ත්රික වෙනසක් සිදු නොවුවහොත් මෙම උත්සාහය ද ව්යර්ථ වීමේ වැඩි ඉඩකඩක් පවතින බව විදේශ විශ්ලේෂකයෝ පෙන්වා දෙති.
තොරතුරු උපුටා ගැනීම: mario nawfal(x) ඇසුරින්
