ජලභීතිකා රෝගය පිළිබඳ ආඥාපනත සහ සුනඛයින් ලියාපදිංචි කිරීමේ ආඥාපනත ඒකාබද්ධ කරමින් නව පනත් කෙටුම්පතක් සකස් කිරීමට අමාත්ය මණ්ඩල අනුමැතිය හිමිව තිබේ. සුනඛ ගහනය පාලනය කිරීම, ජලභීතිකා එන්නත් ලබා දීම විධිමත් හා අනිවාර්ය කිරීම මෙන්ම සුනඛයින් ලියාපදිංචිය නීතිමය වශයෙන් ශක්තිමත් කිරීම මෙම පනතේ මූලික අරමුණයි.
මෙමඟින් අදාළ ආයතනවල බලතල සහ වගකීම් පැහැදිලි කරමින් ඒවා ක්රියාත්මක කිරීම සඳහා නව යාන්ත්රණයක් ස්ථාපිත කෙරේ. නීතිපතිවරයාගේ නිෂ්කාශනය ලැබී ඇති මෙම පනත් කෙටුම්පත, රජයේ ගැසට් පත්රයේ පළ කිරීමටත්, ඉන් අනතුරුව අනුමැතිය සඳහා පාර්ලිමේන්තුවට ඉදිරිපත් කිරීමටත් රාජ්ය පරිපාලන, පළාත් සභා සහ පළාත් පාලන අමාත්යවරයා ඉදිරිපත් කළ යෝජනාවට අමාත්ය මණ්ඩලය අනුමැතිය ලබා දී ඇත.
