තෙදින නිල සංචාරයක් සඳහා ශ්රී ලංකාවට පැමිණි ඉන්දීය ආරක්ෂක අමාත්ය රාජ්නාත් සිං මහතා සිය සංචාරය අවසන් කරමින් අද (10) දිවයිනෙන් පිටත්ව යාමට නියමිත අතර, පිටත්ව යාමට ප්රථම ඔහු නුවරඑළිය ප්රදේශයේ විශේෂ සංචාරයක නිරත වෙමින් සීතාඅම්මාන් කෝවිලේ පැවැත්වෙන ආගමික වැඩසටහනකට එක්වීමට නියමිතය. ශ්රී ලංකාව සහ ඉන්දියාව අතර පවතින ද්විපාර්ශ්වික සබඳතා මෙන්ම ආරක්ෂක සහයෝගීතාව තවදුරටත් තහවුරු කරගැනීමේ අරමුණින් සිදුකළ මෙම සංචාරය තුළින් දෙරට අතර අන්යෝන්ය විශ්වාසය හා මිත්රත්වය තවදුරටත් ඔප්නැංවී ඇත.
මෙම සංචාරය අතරතුර අමාත්යවරයා ඊයේ දිනයේදී ජනාධිපති අනුර කුමාර දිසානායක මහතා මෙන්ම විපක්ෂ නායක සජිත් ප්රේමදාස මහතා ද හමුවී සාකච්ඡා පවත්වා ඇති අතර, හුණුපිටිය ගංගාරාම විහාරස්ථානයේ ආගමික වතාවත්වලට ද එක්විය. මීට අමතරව, බත්තරමුල්ල අපේ ගම පරිශ්රයේ පිහිටා ඇති ඉන්දීය සාමසාධක හමුදා ස්මාරකය වෙත පුෂ්පෝපහාර දැක්වීම සඳහා ද ඔහු පස්වරුවේ එක්වීම මඟින් දෙරටේ ඉතිහාසගත සබැඳියාවන්ට ලබාදී ඇති ප්රමුඛත්වය මනාව මූර්තිමත් වේ.
ඉන්දීය ආරක්ෂක අමාත්යවරයාගේ මෙම සංචාරය හරහා කලාපීය ආරක්ෂාව සහ දේශපාලන ස්ථාවරත්වය සම්බන්ධයෙන් වැදගත් කරුණු රැසක් පිළිබඳව දෙරටේ උසස් පෙළේ නියෝජිතයන් අතර අදහස් හුවමාරු වී ඇති අතර, එය ඉදිරි රාජ්ය තාන්ත්රික ගමනට මහත් රුකුලක් වනු ඇත. සංචාරය නිමවා ඔහු දිවයිනෙන් බැහැර වීමත් සමඟ දෙරටේ ආරක්ෂක සහ සංස්කෘතික සබඳතා අනාගතයේදී තවත් ක්රියාත්මක මට්ටමකට වර්ධනය වනු ඇති බවට දේශපාලන හා නිරීක්ෂකයන්ගේ අපේක්ෂාව වී තිබේ.
