රඹුක්කන – මාවනැල්ල ප්රධාන මාර්ගය, මධ්යම අධිවේගී මාර්ග ව්යාපෘතියට සමගාමීව ඉදිරියේදී ද්විත්ව මංතීරු සහිත මාර්ගයක් ලෙස සංවර්ධනය කිරීමට සැලසුම් කර ඇති අතර, ඒ සඳහා කැබැල්ලවත්ත පැරණි ගල් බිංගෙය ආශ්රිත ප්රතිසංස්කරණ කටයුතු සිදු කිරීම අත්යවශ්ය විය.
මේ වන විට දුම්රිය ධාවනය සිදු නොවන කාලසීමාව ඒ සඳහා අවස්ථාවක් කර ගනිමින් ආරම්භ කළ ඉදිකිරීම් කටයුතු අවසන් අදියරට පැමිණ තිබේ. ඉවත් කරන ලද පැරණි ගල් බිංගෙය වෙනුවට, එහි අනුරුවක් යාබද ස්ථානයක ඉදිකිරීමටද නියමිතය.
මාර්ග සංවර්ධන අධිකාරිය, ශ්රී ලංකා දුම්රිය දෙපාර්තමේන්තුව, පුරාවිද්යා දෙපාර්තමේන්තුව ඇතුළු වගකිවයුතු සියලු ආයතනවල මැදිහත්වීමෙන් මෙම කාර්යය නිම කර, එළඹෙන නොවැම්බර් මාසය තුළදී පාලම මතින් දුම්රිය ධාවනයටත්, පාලම තුළින් රථවාහන ගමනාගමනයටත් අවස්ථාව සැලසීමට අපේක්ෂා කෙරේ.
