විශ්රාම ලැබීමට නියමිත සහ දැනට විශ්රාමික ත්රිවිධ හමුදා සාමාජිකයන් ජාතික ආර්ථික සංවර්ධනය උදෙසා ව්යවසායකයන් ලෙස දායක කර ගැනීමේ අරමුණින් ක්රියාත්මක ‘රණවිරු ව්යවසායක අභිමන්‘ වැඩසටහනේ ප්රගති සමාලෝචන රැස්වීමක් ආරක්ෂක නියෝජ්ය අමාත්ය මේජර් ජෙනරාල් අරුණ ජයසේකර (විශ්රාමික) සහ කර්මාන්ත හා ව්යවසායකත්ව සංවර්ධන නියෝජ්ය අමාත්ය චතුරංග අබේසිංහ යන මහත්වරුන්ගේ සම සභාපතිත්වයෙන් කොළඹදී පැවැත්විණි.
ගාල්ල දිස්ත්රික්කයේ ක්රියාත්මක නියමු ව්යාපෘතියේ සාර්ථකත්වය මත පදනම්ව, මෙම ව්යාපෘතියේ ඊළඟ අදියර ලෙස කළුතර හා මාතර දිස්ත්රික්ක දක්වා එය ව්යාප්ත කිරීමට සැලසුම් කර ඇත. වැඩසටහනේ ප්රධාන සාකච්ඡා කරුණු කිහිපයක් පහත දැක්වේ.
ධාරිතා වර්ධනය සඳහා ව්යවසායකත්වය පිළිබඳ ‘පුහුණුකරුවන් පුහුණු කිරීමේ’ (
) පාඨමාලාවක් ආරම්භ කිරීම.
) පාඨමාලාවක් ආරම්භ කිරීම.අමාත්යාංශ දෙක අතර විධිමත් අවබෝධතා ගිවිසුමක් ඇති කර ගැනීම සහ අරමුදල් සැපයීමේ ක්රමවේදයක් සකස් කිරීම.
වැඩසටහන අධීක්ෂණයට සහ අන්තර් අමාත්යාංශ සහයෝගීතාව පුළුල් කිරීමට ඒකාබද්ධ සම්බන්ධීකරණ ඒකකයක් (Joint Coordinating Cell) පිහිටුවීම.
ආරක්ෂක නියෝජ්ය අමාත්යවරයා පෙන්වා දුන්නේ හමුදා සාමාජිකයන් සතු නායකත්ව කුසලතා, විනයගරුකභාවය සහ වෘත්තීය අත්දැකීම් ජාතික ව්යවසායකත්වයට යොමු කිරීම කාලීන අවශ්යතාවක් බවයි. කර්මාන්ත හා ව්යවසායකත්ව සංවර්ධන නියෝජ්ය අමාත්යවරයා සඳහන් කළේ මෙම ව්යවසායකත්ව සිහින සැබෑ කරලීම සඳහා අවශ්ය නීතිමය සහ ආයතනික රාමුව සකස් කිරීමට අමාත්යාංශය කැපවී සිටින බවයි.
