විනිසුරුවරුන්ගේ විශ්රාම වයස දීර්ඝ කිරීමට රජය ගෙන ඇති යෝජනාව හේතුවෙන් අධිකරණයේ ස්වාධීනත්වය සහ අපක්ෂපාතීත්වය බිඳ වැටිය හැකි බව හිටපු ජනාධිපති රනිල් වික්රමසිංහ මහතා පවසයි. කොළඹ සිනමන් ග්රෑන්ඩ් හෝටලයේ පැවැති “Read with Ranil” තරුණ සංවාදයකදී යොමු වූ ප්රශ්නයකට පිළිතුරු දෙමින් ඔහු මේ බව සඳහන් කළේය.
මෙම යෝජනාවට නීතිඥ ප්රජාව සහ විනිසුරුවරුන්ගෙන්ම දැඩි විරෝධයක් එල්ල වී ඇති බවත්, එය තවදුරටත් ඉදිරියට ගෙනයාමට උත්සාහ කරන්නේ රජය බවත් වික්රමසිංහ මහතා පෙන්වා දුන්නේය. රජය මෙම තීරණය බලහත්කාරයෙන් ක්රියාත්මක කිරීමට උත්සාහ කරන්නේ නම්, එය අධිකරණයේ අපක්ෂපාතීත්වය පළුදු කිරීමට හේතු විය හැකි බව ඔහු අනතුරු ඇඟවීය.
රජය මෙම යෝජනාව සම්බන්ධයෙන් ඉදිරියටම යන්නේ නම්, දේශපාලන සහ සිවිල් සමාජය යන දෙඅංශයෙන්ම දැඩි විරෝධයක් මතුවනු ඇති බවත් ඔහු වැඩිදුරටත් කියා සිටියේය. ජාතික තරුණ පෙරමුණේ ‘Smart UNP’ ඒකකය විසින් සංවිධානය කළ මෙම පළමු සංවාදය, “නව ලෝක අනුපිළිවෙල: භූ දේශපාලනය, ආර්ථික වෙනස්කම් සහ ශ්රී ලංකාවේ අනාගතය” යන තේමාව යටතේ පැවැත්විණි.
