පැරණි වාර්තා බිඳ දමමින් 8 වන වරටත් ලෝක ස්නූකර් ශූරතාව (World Snooker Championship) දිනා ගැනීමේ අරමුණින් මෙවර තරගාවලියට පිවිසි රොනී ඕ’සුලිවන්, සිය මංගල ලෝක ශූරතා තරගයට සහභාගී වූ චීනයේ හේ ගුඕක්යෑන් (He Guoqiang) හමුවේ පළමු වටයේදීම ප්රබල දස්කම් දැක්වීමට සමත් විය. 50 හැවිරිදි ඕ’සුලිවන් තරගයේ පළමු ෆ්රේම් (frames) පහම ජය ගනිමින් මේ වන විට 7-2 ක් ලෙස පෙරමුණේ පසුවන අතර, ජයග්රහණය සඳහා ඔහුට අවශ්ය වන්නේ තවත් ෆ්රේම් 3ක් පමණි.
වෙනත් තරගවලදී ලොව අංක එකේ ක්රීඩක ජඩ් ට්රම්ප් (Judd Trump), ගැරී විල්සන්ට එරෙහිව 10-5 ක ජයක් ලබා ගත් අතර, ෂෝන් මර්ෆි (Shaun Murphy) චීනයේ ෆෑන් සෙන්ගී පරාජය කරමින් 10-9 ක තියුණු ජයක් වාර්තා කළේය. ඕ’සුලිවන් මෙම තරගය ජයගතහොත් අවසන් 16 දෙනාගේ වටයේදී සිව්වතාවක් ලෝක ශූරතාව දිනූ ජෝන් හිගින්ස් (John Higgins) සමඟ තීරණාත්මක තරගයකට මුහුණ දීමට නියමිතය. ඕ’සුලිවන් පසුගිය මාසයේදී ලකුණු 153ක ‘බ්රේක්’ (break) එකක් වාර්තා කරමින් වෘත්තීය ස්නූකර් ඉතිහාසයේ ඉහළම ලකුණු සංඛ්යාවේ වාර්තාව ද තබා තිබේ.
