හෙල්ල විසිකිරීමේ ශූර රුමේෂ් තරංග අද (16) චෙක් ජනරජයේ පැවැත්වෙන ‘ඔස්ට්රාවා ගෝල්ඩන් ස්පයික්’ (Ostrava Golden Spike) මලල ක්රීඩා තරගාවලියට සහභාගි වීමට නියමිතව ඇත.
මීට පෙර පැවති රෝම ඩයමන්ඩ් ලීග් තරගාවලියේදී අතිවිශිෂ්ට සහ වාර්තාගත දක්ෂතාවක් දැක්වීමට රුමේෂ් තරංග සමත් විය. එම දක්ෂතා මත මේ වන විට ඔහු ලෝක හෙල්ල විසිකිරීමේ ශ්රේණිගත කිරීම්වල තුන්වන ස්ථානය දිනා සිටී. අද පැවැත්වෙන මෙම තරගාවලියේදී දක්වන දක්ෂතා ඔහුගේ ලෝක ශ්රේණිගත කිරීම් තවදුරටත් ඉහළ නංවා ගැනීමට බෙහෙවින් ඉවහල් වනු ඇතැයි ක්රීඩා ක්ෂේත්රයේ ප්රවීණයෝ විශ්වාසය පළ කරති.
රුමේෂ් තරංගගේ මෙම ගමන ජාත්යන්තර මලල ක්රීඩා පිටියේ ශ්රී ලංකාවේ නාමය ඉහළින්ම ඔසවා තැබීමට සමත්ව ඇති අතර, මුළු රටම අද දිනයේ ඔහුගේ දක්ෂතා පිළිබඳව ඉතා උනන්දුවෙන් බලා සිටී.
