රුසියාව විසින් යුක්රේනය පුරා දියත් කරන ලද දැවැන්ත මිසයිල සහ ඩ්‍රෝන ප්‍රහාර මාලාවකින් දරුවන් සිව්දෙනෙකු ඇතුළු අවම වශයෙන් 24 දෙනෙකු ජීවිතක්ෂයට පත්ව ඇති බව වාර්තා වේ. යුක්රේන ජනාධිපති පවසන්නේ රුසියානු ජනාධිපති පුටින්ගේ උපන්දිනය දින මෙම ප්‍රහාරය එල්ල වී ඇති බවත්, එය රුසියාවේ වඩාත්ම “ප්‍රතික්ෂේප කළ හැකි සහ නීචම” ප්‍රහාරයක් බවත්ය.
රුසියාව මෙහිදී ප්‍රහාරක මිසයිල 70ක් සහ ෂාහෙඩ් ප්‍රහාරක ඩ්‍රෝන යානා දුසිම් ගණනක් භාවිත කර ඇති අතර, උතුරු ප්‍රදේශයේ ප්‍රයිලුකි නගරයේ පස් මහල් නිවාස සංකීර්ණයක් මතට මිසයිලයක් පතිත වීමෙන් සිදුවූ විනාශයෙන් ළමයින් 4 දෙනෙකු ඇතුළුව 18 දෙනෙකු මිය ගොස් ඇත. කියුබ්, ඔලෙක්සැන්ඩ්‍රියා සහ ක්‍රෙමෙන්චුක් ප්‍රදේශවලින් තවත් ජීවිත 6ක් වාර්තා වී ඇති අතර, හදිසි මුදාගැනීමේ කණ්ඩායම් සුන්බුන් අතර සෝදිසි මෙහෙයුම් අඛණ්ඩව සිදු කරමින් පවතී. යුක්රේන ගුවන් හමුදාව පවසන්නේ රුසියාව දියත් කළ ජෙට් බලයෙන් ක්‍රියාත්මක වන ඩ්‍රෝන යානා වලින් 80%කට වඩා වැඩි ප්‍රමාණයක් සාර්ථකව බිම හෙළීමට තමන් සමත් වූ බවයි.
