තෙදින නිල සංචාරයක් සඳහා මෙරටට පැමිණි රුසියානු සමූහාණ්ඩුවේ සෞඛ්ය අමාත්ය මිහායිල් මුරාෂ්කෝ මහතා සහ එරට නියෝජිත පිරිස අද (05) උදෑසන කටුනායක බණ්ඩාරනායක ජාත්යන්තර ගුවන්තොටුපොළින් යළි දිවයිනෙන් පිටව ගියා. සෞඛ්ය නියෝජ්ය අමාත්ය වෛද්ය හංසක විඡේමුණි මහතා, සෞඛ්ය අමාත්යාංශයේ අධ්යක්ෂ (ජාත්යන්තර සෞඛ්ය) වෛද්ය අනිල් සමරනායක මහතා සහ ශ්රී ලංකාවේ රුසියානු තානාපති ලෙවාන් ජගාරෙයාන් මහතා ඔවුන් සමුගැන්වීමට එක්ව සිටියා.
සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා සමඟ පැවති විශේෂ සාකච්ඡාවේදී දෙරට අතර සෞඛ්ය ක්ෂේත්රයේ සහයෝගීතාව ශක්තිමත් කර ගැනීම පිළිබඳව අවධානය යොමු කෙරුණා. එහිදී ප්රාථමික සෞඛ්ය සේවාව සංවර්ධනය සහ AI තාක්ෂණය ඇතුළු නවීන තාක්ෂණයෙන් මෙරට සෞඛ්ය සේවාව බලගැන්වීම ප්රධාන මාතෘකාවක් වුණා. තවද රුසියානු නියෝජිත පිරිස කොළඹ ජාතික රෝහල සහ කොළඹ විශ්වවිද්යාලීය වෛද්ය පීඨයේ නිරීක්ෂණ චාරිකාවක නිරත වෙමින් එම ආයතන නවීන තාක්ෂණයෙන් සවිබල ගැන්වීම පිළිබඳව කරුණු සොයා බැලුවා.
මෙම සංචාරය තුළ ඖෂධ සහ වෛද්ය උපකරණ ලබා ගැනීම, වෛද්ය විශේෂඥ පුහුණුව, අධ්යයන සහයෝගීතාව, ආයුර්වේද වෛද්ය ක්ෂේත්රය, ඩිජිටල්කරණය සහ සංචාරක සෞඛ්ය සේවාව යන ක්ෂේත්ර රැසක් සම්බන්ධයෙන් වැදගත් එකඟතාවලට එළැඹීමට දෙපාර්ශවයම පියවර ගත්තා.
