රුවన్පුර අධිවේගී මාර්ග ව්යාපෘතියේ පළමු අදියර සඳහා වන ප්රසම්පාදන ක්රියාවලිය ආරම්භ කිරීමට රජය අනුමැතිය ලබා දීමත් සමඟ, ශ්රී ලංකාවේ දේපළ වෙළඳපොළ මීළඟ ප්රධාන වර්ධන අදියරට පිවිසීමට නියමිත බව ‘ලංකාප්රොපර්ටිවෙබ්’ (LPW) ආයතනය පෙන්වා දෙයි.
කහතුඩුව සිට ඉංගිරිය දක්වා සම්බන්ධ වන සහ කහතුඩුව හි නව හුවමාරුවක් ඉදිකිරීම ඇතුළත් මෙම පළමු අදියර හරහා කොළඹ සහ සබරගමුව පළාත අතර සම්බන්ධතාවය සැලකිය යුතු ලෙස වර්ධනය වනු ඇත. ප්රවාහන යටිතල පහසුකම් ව්යාපෘතියක් වුවද, මෙමඟින් යෝජිත කොරිඩෝව පුරා දේපළ සඳහා ඇති ඉල්ලුම සහ නව ආයෝජන අවස්ථා පුළුල් වන බව LPW හි දත්ත පෙන්වා දෙයි.
අධිවේගී මාර්ගය ඉදිකිරීමට පෙර සිටම (2017 සිට 2025 දක්වා) ඉංගිරිය සහ පෑළියගොඩ ප්රදේශ මෙරට ඉඩම් වෙළඳපොළේ ඉහළම දස්කම් දැක්වූ ප්රදේශ අතර විය. මෙම කාලය තුළ ඉංගිරිය හි ඉඩම් පර්චසයක සාමාන්ය මිල රු. 49,363 සිට රු. 344,850 දක්වා 7 ගුණයකින් (598.59%) ඉහළ ගොස් ඇත. පෑළියගොඩ ප්රදේශය 151.3%ක වර්ධනයක් වාර්තා කර ඇති අතර, එම කාලය තුළ කොළඹ දිස්ත්රික් සාමාන්යය 66.9%කින් සහ කළුතර දිස්ත්රික් සාමාන්යය 123%කින් වර්ධනය වී තිබේ. රුවన్පුර අධිවේගී මාර්ගයත් සමඟ පොල්ගහවෙල, ගොනාපොළ, හොරණ සහ අවට ප්රදේශවල ඉඩම් වටිනාකම් තවදුරටත් ඉහළ යනු ඇති බව අපේක්ෂා කෙරේ.
දකුණු අධිවේගී මාර්ගයේ කහතුඩුව හුවමාරුව නිසා එම ප්රදේශය ලැබූ වර්ධනය මෙන්, රුවన్පුර අධිවේගී මාර්ගයේ අවසාන ලක්ෂ්යය වන ඉංගිරිය ප්රදේශය ද කොළඹට ආසන්න සහ දැරිය හැකි මිලකට දේපළ සොයන ගැනුම්කරුවන්ගේ ප්රධාන ආකර්ෂණයක් වනු ඇතැයි පුරෝකථනය කර ඇත. මීට අමතරව අනාගත අදියරයන් හරහා කුරුවිට, රත්නපුර, පැල්මඩුල්ල, බලංගොඩ, ඇල්ල සහ බදුල්ල දක්වා මෙම වර්ධනය විහිදෙනු ඇත.
ප්රධාන වාණිජ බැංකුවල ස්ථාවර තැන්පත් (FD) පොලී අනුපාතික ආසන්න වශයෙන් 9.04%ක් වන පසුබිමක, ඉංගිරිය වැනි ප්රදේශවල ඉඩම් මඟින් පෙන්වා ඇති දීර්ඝ කාලීන වටිනාකම් ඉහළ යෑම මඟින් උපායමාර්ගික ඉඩම් ආයෝජනවල ඇති දැවැන්ත ධන උත්පාදන විභවය මනාව පැහැදිලි වන බව LPW හි පර්යේෂණ සහ විශ්ලේෂණ ප්රධාන චමර තේවප්පෙරුම මහතා පෙන්වා දෙයි.
