සැම්සුන් ශ්රී ලංකා සමාගම සිය ජනප්රිය Galaxy A කාණ්ඩයේ නවතම සාමාජිකයන් වන Galaxy A57 5G සහ Galaxy A37 5G ස්මාර්ට් ජංගම දුරකතන ද්විත්වය මෙරට වෙළෙඳපොළට හඳුන්වා දී තිබේ. නවීනතම AI තාක්ෂණය සාමාන්ය පරිශීලකයන් වෙත සමීප කරවීමේ අරමුණින් නිර්මාණය කර ඇති මෙම දුරකතන, One UI 8.5 පද්ධතිය හරහා ක්රියාත්මක වන “Awesome Intelligence” විශේෂාංගවලින් සමන්විත වීම කැපී පෙනෙන ලක්ෂණයකි.
මෙම ස්මාර්ට් ජංගම දුරකතනවල අන්තර්ගත Voice Transcription පහසුකම මඟින් හඬ පටිගත කිරීම් ස්වයංක්රීයව අකුරු බවට පත් කළ හැකි අතර, AI Select විශේෂාංගය මඟින් තිරය මත ඇති දත්ත හැසිරවීම වඩාත් පහසු කර ඇත. ඡායාරූපකරණයට ලැදි පරිශීලකයන් සඳහා 50MP ප්රධාන කැමරාවක් මෙහි ඇතුළත් කර ඇති අතර, අඩු ආලෝක තත්ත්ව යටතේ වුවද සුපැහැදිලි ඡායාරූප ලබාගත හැකි Nightography තාක්ෂණය සහ ඡායාරූපවල අනවශ්ය කොටස් ඉවත් කළ හැකි Object Eraser වැනි උසස් සංස්කරණ මෙවලම්ද මීට අන්තර්ගතය.
තාක්ෂණික අතින් බලවත් Galaxy A57 5G මාදිලිය 120Hz Super AMOLED+ තිරයකින් සහ දින දෙකක බැටරි ආයු කාලයක් සහිත 5,000mAh බැටරියකින් සමන්විත වේ. IP68 ශ්රේණිගත කිරීම යටතේ දූවිලි හා ජලයෙන් ආරක්ෂාව සලසන මෙම දුරකතන සඳහා වසර 6ක් පුරා මෘදුකාංග යාවත්කාලීන කිරීම් ලබාදීමට සැම්සුන් සමාගම සහතික වී තිබේ. සැම්සුන් ශ්රී ලංකා කළමනාකාර අධ්යක්ෂ SangHwa Song මහතා සඳහන් කරන්නේ මෙමඟින් සෑම ශ්රී ලාංකිකයෙකුටම උසස් AI අත්දැකීමක් විඳගැනීමට අවස්ථාව උදාවන බවයි.
