මෙවර පොසොන් උත්සවය වෙනුවෙන් දිවයින පුරා දන්සැල් 17,000ක් පමණ සංවිධානය කර ඇති බව මහජන සෞඛ්ය පරීක්ෂකවරුන්ගේ සංගමය පවසයි.
පොසොන් පොහොය දින දානය පිරිනැමීමේදී ජනතාවගේ සෞඛ්යාරක්ෂාව පිළිබඳව දැඩි අවධානය යොමු කර ඇති බව එම සංගමය සඳහන් කරයි. දන්සැල්වලින් පිරිනමන ආහාරවල ගුණාත්මකභාවය සහ සනීපාරක්ෂක තත්ත්වය නිරන්තරයෙන් නිරීක්ෂණය කිරීමට මහජන සෞඛ්ය පරීක්ෂකවරුන් දිවයින පුරා යොදවා ඇති බව ඔවුන් වැඩිදුරටත් අවධාරණය කරයි.
සංවිධායකයින් විසින් සෞඛ්ය මාර්ගෝපදේශ නිසි ලෙස අනුගමනය කිරීම අත්යවශ්ය වන අතර, යම් ගැටලුවක් වෙතොත් වහාම ආසන්නතම මහජන සෞඛ්ය පරීක්ෂක කාර්යාලය වෙත දැනුම් දෙන ලෙසද මහජන සෞඛ්ය පරීක්ෂකවරුන්ගේ සංගමය මහජනතාවගෙන් සහ දන්සැල් සංවිධායකයින්ගෙන් ඉල්ලා සිටී.
