චීනයේ ආර්ථික ප්රතිසංස්කරණ සහ ඔවුන්ගේ සංවර්ධන ආදර්ශය තුළින් ශ්රී ලංකාවට උගත හැකි වැදගත් පාඩම් රැසක් පවතින බව විපක්ෂ නායක සජිත් ප්රේමදාස මහතා පවසයි.
චීන කොමියුනිස්ට් පක්ෂයේ 105 වැනි සංවත්සරයට සුබ පැතුම් එක් කරමින් විපක්ෂ නායකවරයා මේ බව සඳහන් කළේය. නවීකරණය, නවෝත්පාදනය සහ ක්රියාත්මක කිරීමේ හැකියාව වෙනුවෙන් චීනය පෙන්වන කැපවීම මෙහිදී ඔහු අගය කළේය.
චීනයේ ප්රතිසංස්කරණ සහ දොරවල් විවෘත කිරීමේ ප්රතිපත්ති මගින් එම රට ගෝලීය ආර්ථික සහ තාක්ෂණික බලවතෙකු බවට පත් වූ ආකාරය සහ ඒ තුළින් සමෘද්ධිය ළඟා කර ගත් ආකාරය ප්රේමදාස මහතා පෙන්වා දුන්නේය. තවද, කලාපීය සහ ගෝලීය දියුණුව සඳහා චීනය සහ ඉන්දියාව අතර පවතින සාමකාමී සහයෝගීතාව අතිශය තීරණාත්මක බවද ඔහු අවධාරණය කළේය.
සමගි ජන බලවේගය සහ චීන කොමියුනිස්ට් පක්ෂය අතර පවතින සබඳතා තවදුරටත් ශක්තිමත් කිරීමට තමා කැපවී සිටින බවද විපක්ෂ නායකවරයා වැඩිදුරටත් ප්රකාශ කළේය.
