දිවයිනේ ජාතික හා පළාත් පාසල්වල සේවයේ නියුතු ශ්රී ලංකා ගුරු සේවයේ නිලධාරීන් සඳහා වන III කාර්යක්ෂමතා කඩඉම් විභාගය 2026 දෙසැම්බර් මස පැවැත්වීමට නියමිත අතර, ඊට අදාළ ගැසට් නිවේදනය 2026.08.21 දින පළ කරන ලදී.
මෙම විභාගය සඳහා 2026.08.25 දින සිට 2026.09.14 දින දක්වා ශ්රී ලංකා විභාග දෙපාර්තමේන්තුවේ නිල වෙබ් අඩවිය හරහා මාර්ගගත ක්රමයට (Online) අයදුම්පත් යොමු කළ හැක. ශ්රී ලංකා ගුරු සේවයේ සහ පළාත් රාජ්ය සේවාවල ගුරු සේවයේ 2 පන්තියේ I ශ්රේණියට උසස් වී වසර හතරක් ගතවීමට පෙර මෙම විභාගය සම්පූර්ණ කළ යුතු වේ. ඊට අමතරව, 2-I ශ්රේණියට උසස්වීම් ලබා වසර 4 ක් ඉක්මවා ගියද, 2025.06.30 දිනෙන් පසු I වන ශ්රේණි උසස්වීම් යෙදෙන ගුරුවරුන් ද I ශ්රේණියට උසස්වීම් ලැබීම සඳහා මෙම විභාග අවශ්යතාව සම්පූර්ණ කළ යුතුය.
විභාගයට අදාළ ස්වයං අධ්යයන මොඩියුලයන්හි විෂය නිර්දේශය ගැසට් නිවේදනයේ දක්වා ඇති පරිදි අධ්යාපන අමාත්යාංශයේ e – thaksalawa නිල වෙබ් අඩවියේ පළ කර ඇත. අපේක්ෂකයින්ට පහත සබැඳිය ඔස්සේ e – thaksalawa වෙබ් අඩවියට පිවිස අදාළ විෂය කරුණු අධ්යයනය කර විභාගයට සූදානම් විය හැකිය.
