විදේශ රැකියාවල නියුතු දෙමාපියන්ගේ වයස අවුරුදු 2ත් 13ත් අතර පසුවන දරුවන් දිවා සුරැකුම් මධ්යස්ථානවල (Daycare Centres) රඳවා සිටින්නේ නම්, එම දරුවන් වෙනුවෙන් මසකට රුපියල් 10,000ක විශේෂ දීමනාවක් ගෙවීමට තීරණය කර ඇති බව විදේශ සේවා නියුක්ති කාර්යාංශය නිල වශයෙන් අනාවරණය කර තිබේ. කාන්තා සහ ළමා කටයුතු පිළිබඳ අමාත්යාංශයීය උපදේශක කාරක සභාව පාර්ලිමේන්තුවේදී රැස්වූ අවස්ථාවේදී එහි නිලධාරීන් විසින් මෙම වැදගත් තීරණය දැනුම් දී ඇත.
අදාළ උපදේශක කාරක සභාව, විෂයභාර අමාත්ය සරෝජා සාවිත්රි පෝල්රාජ් මහත්මියගේ ප්රධානත්වයෙන් සහ නියෝජ්ය අමාත්ය නාමල් සුදර්ශන මහතාගේ සහභාගිත්වයෙන් පසුගියදා පාර්ලිමේන්තු සංකීර්ණයේදී රැස්විය. කුඩා දරුවන් සිටින කාන්තාවන් විදේශගත වීම හේතුවෙන් දරුවන්ගේ ආරක්ෂාව සහ පෝෂණය සම්බන්ධයෙන් සමාජය තුළ පැන නගින බරපතල ගැටලු උදෙසා වහාම මැදිහත් වන ලෙස කාරක සභාව විසින් මීට පෙර විදේශ සේවා නියුක්ති කාර්යාංශයේ සාමාන්යාධිකාරීවරයා වෙත (දේශීය කටයුතු) උපදෙස් ලබා දී තිබුණි. එම උපදෙස්වල වත්මන් ප්රගතිය විමසා සිටි අවස්ථාවේදී නිලධාරීන් මෙම නව සහන වැඩපිළිවෙළ සභාවට ඉදිරිපත් කළහ.
රට වෙනුවෙන් විදේශ විනිමය උපයන විදෙස්ගත ශ්රමිකයින්ගේ දරුවන්ගේ සුරක්ෂිතතාව වෙනුවෙන් රජය සහ විදේශ සේවා නියුක්ති කාර්යාංශය එක්ව ගනු ලැබූ මෙම සාධනීය පියවර, විදෙස්ගත මව්පියන්ගේ මානසික පීඩනය අවම කිරීමට මෙන්ම දරුවන්ගේ අනාගත සුබසාධනය සැලසීමට කෙතරම් දුරට පිටුවහලක් වනු ඇතැයි ඔබ සිතන්නේද?
