ඉන්දියාවට එරෙහිව විශිෂ්ට දස්කම් දැක්වූ ශ්රී ලංකා පිතිකරු සොනල් දිනූෂාට සචින් ටෙන්ඩුල්කාර් හා සමාන මට්ටමේ පිතිකරණ විලාසයක් ඇති බවට BCCI උප සභාපති රජීව් ශුක්ලාගෙන් ඉහළ පැසසුමක්
ඉන්දියාවට එරෙහිව පැවති ටෙස්ට් තරගාවලිය තුළ ශ්රී ලංකා පිතිකරු සොනල් දිනූෂා දැක්වූ අසාමාන්ය දස්කම් හේතුවෙන්, ලෝක ප්රකට ඉන්දීය පිතිකරු සචින් තෙන්ඩුල්කාර්ගේ ක්රීඩා විලාසය සිහිපත් කරමින් ඉන්දීය ක්රියාකාරීන්ගේ මෙන්ම ක්රීඩා බලධාරීන්ගේ විශේෂ අවධානය දිනා ගැනීමට ඔහු සමත්ව තිබේ. ගාල්ලේ පැවති පළමු ටෙස්ට් තරගයේදී විශිෂ්ට ශතකයක් සහ අර්ධ ශතකයක් වාර්තා කළ 25 හැවිරිදි වියේ පසුවන දිනූෂ, කොළඹ පැවති දෙවන ටෙස්ට් තරගයේදී ද අඛණ්ඩව ලකුණු අතරට පිවිසෙමින් ඉන්දීය දඟ පන්දු ප්රහාරය දැඩි ලෙස පීඩනයකට ලක් කිරීමට සමත් විය. කණ්ඩායම අසීරු තත්වයකට මුහුණ දී සිටි අවස්ථාවන්හිදී පවා වලිගයේ පිතිකරුවන් සමඟ එක්ව දැඩි ප්රතිරෝධයක් දැක්වීමට ඔහු දැක්වූ සුවිශේෂී හැකියාව ජාත්යන්තර ක්රිකට් ක්ෂේත්රයේ දැඩි කතාබහට ලක්ව ඇත.
මෙම කැපී පෙනෙන දස්කම් සැලකිල්ලට ගනිමින් BCCI උප සභාපති රජීව් ශුක්ලා මහතා ශ්රී ලංකා ක්රිකට් ආයතනය ටැග් කරමින් සමාජ මාධ්ය ඔස්සේ විශේෂ ප්රශංසාවක් සිදු කර ඇති අතර, සොනාල් දිනූෂා යනු අනාගතයේදී ජාත්යන්තර ක්රිකට් පිටිය ජය ගත හැකි අපූරු ටෙස්ට් ක්රීඩකයෙකු බවට අනාවැකි පළ කර ඇත. ඉන්දියාවට එරෙහි ටෙස්ට් තරග දෙකකින් යුත් මෙම තරගාවලිය තුළ අඛණ්ඩව සිව්වන වරටත් ලකුණු 50 කට වැඩි ලකුණු සංඛ්යාවක් රැස් කරමින් ඔහු පෙන්වා ඇති ස්ථාවරත්වය, ශ්රී ලංකා ටෙස්ට් පිතිකරු පෙළ ශක්තිමත් කිරීම සඳහා ලැබුණු මහත් රුකුලක් වී තිබේ.
මෙවැනි ප්රතිභාපූර්ණ ක්රීඩකයින් ජාත්යන්තර ක්රිකට් පිටියට පිවිසීම තුළින් ඉදිරි කාලය තුළ ශ්රී ලංකා ටෙස්ට් කණ්ඩායමේ තරගකාරීත්වය මෙන්ම ජාත්යන්තර තලයේ කීර්තිය තවදුරටත් ඉහළ නංවා ගැනීමට විශාල රුකුලක් වනු ඇතැයි ක්රීඩා පෙන්වා දෙති. ඉදිරි ජාත්යන්තර තරගාවලි සඳහා මුහුණ දීමේදී දිනූෂගේ මෙම ස්ථාවර හා ආක්රමණශීලී පිතිකරණ විලාසය ශ්රී ලංකා කණ්ඩායමේ ඉදිරි ගමනට මහත් ශක්තියක් වන අතරම, ලෝක ක්රිකට් වරම තුළ ඔහුගේ අනාගතය අතිශයින් සාර්ථක වනු ඇති බවට මෙම දස්කම් මගින් මනාව තහවුරු වී ඇත.
