දකුණු අප්රිකානු ජනාධිපති සිරිල් රමපෝසා මහතා විසින් අඟහරුවාදා රාත්රියේදී ප්රධාන කැබිනට් සංශෝධනයක් සිදු කර තිබේ. ඒ අනුව, රජයේ සභාග හවුල්කාර පක්ෂයක් වන ප්රජාතන්ත්රවාදී සන්ධානයේ (DA) හිටපු නායක ජෝන් ස්ටීන්හුයිසන් මහතාව කෘෂිකර්ම අමාත්ය ධුරයෙන් ඉවත් කර වෙළෙඳ නියෝජ්ය අමාත්ය ධුරයට පත් කර ඇත. මෙම තීරණය ගෙන ඇත්තේ එම පක්ෂයේ නව නායක ජෝර්ඩින් හිල්-ලුවිස් මහතාගේ ඉල්ලීම පරිදිය.
උග්ර මුඛ හා කුර රෝග ව්යාප්තියක් පවතින අවස්ථාවක කෘෂිකර්ම අමාත්ය ධුරයේ වෙනසක් සිදු කරන ලෙස හිල්-ලුවිස් මහතා ජනාධිපතිවරයාගෙන් ඉල්ලා සිටි අතර, ඒ අනුව එම අමාත්ය ධුරයට විලී ඕකැම්ප් මහතාව පත් කර තිබේ. මීට අමතරව, සමාජ සංවර්ධන අමාත්ය ධුරයේ පැවති පුරප්පාඩුව සඳහා අප්රිකානු ජාතික කොංග්රසයේ (ANC) දිනා පුලේ මහත්මියව පත් කිරීමට ජනාධිපතිවරයා පියවර ගෙන ඇත.
