දකුණු කොරියාවේ හිටපු ජනාධිපති යූන් සුක් යොල්ට එරෙහිව එරට නීතිපති අංශය විසින් වසර 30ක සිරදඬුවමක් අද (සිකුරාදා) ඉල්ලා සිටින ලදී. 2024 දෙසැම්බර් මාසයේදී ඔහු විසින් පනවන ලද කෙටි කාලීන යුද නීතිය සාධාරණීකරණය කිරීම සඳහා උතුරු කොරියාවේ පියොංයැං අගනුවරට ඉහළින් ඩ්රෝන මෙහෙයුමක් දියත් කරන ලෙස නියෝග කළ බවට ඔහුට චෝදනා එල්ල වී තිබේ.
පසුගිය වසරේ ජනාධිපති ධුරයෙන් නෙරපා හැරීමෙන් පසු යූන් සුක් යොල් මුහුණ දෙන නඩු අටෙන් එකක් වන්නේ මෙයයි. රජයේ නීතිඥයන් තර්ක කරන්නේ මෙම ඩ්රෝන මෙහෙයුම හරහා උතුරු කොරියාව සමඟ පවතින යුදමය ආතතිය අනවශ්ය ලෙස ඉහළ ගිය බවත්, එක් ඩ්රෝන යානයක් කඩා වැටීම නිසා දකුණු කොරියාවේ රහස්ය මිලිටරි තොරතුරු අනාවරණය වීමේ අවදානමක් ඇති වූ බවත්ය.
කෙසේ වෙතත්, හිටපු ජනාධිපතිවරයා සියලු චෝදනා ප්රතික්ෂේප කර ඇති අතර, උතුරු කොරියාව සමඟ මිලිටරි ගැටුමක් ඇති විය හැකි කිසිදු ක්රියාවක් තමන් සිදු නොකළ බව ඔහුගේ නීතිඥයන් පවසයි. සතුරාට වාසිදායක වන අන්දමින් කටයුතු කිරීම (Benefiting the enemy) ඇතුළු බරපතළ චෝදනා කිහිපයක් යටතේ ඔහුට එරෙහිව මෙම නඩු විභාගය පැවැත්වේ. සෝල් මධ්යම දිස්ත්රික් උසාවිය මඟින් මෙහි අවසන් තීන්දුව ඉදිරි දිනයකදී ප්රකාශයට පත් කිරීමට නියමිතය.
