ජාතික පුනරුදයක් උදෙසා ආණ්ඩුවට නිශ්චිත දැක්මක් ඇති අතර, එය සැබෑ කර ගැනීමට නම් සමාජය තුළ ආධ්යාත්මික පුනරුදයක් ඇති විය යුතු බව කථානායක වෛද්ය ජගත් වික්රමරත්න මහතා ප්රකාශ කළේය.
අරලගන්විල බමුණාකොටුව බෞද්ධ විහාරයේ අභිනවයෙන් ඉදි කිරීමට යෝජිත බක්කුල සෑ රදුන් උදෙසා මංගල ශිලා ප්රතිෂ්ඨාපනය කිරීමේ අවස්ථාවට එක්වෙමින් කථානායකවරයා මේ බව සඳහන් කළේය. අස්ගිරි මහා විහාර පිරිවෙනේ අධ්යක්ෂ, ශාස්ත්රපති නාරම්පනාවේ ආනන්ද අනුනායක හිමියන්ගේ ප්රධානත්වයෙන් සහ යුද හමුදාපති ලුතිනන් ජෙනරාල් නිලන්ත ප්රේමරත්න මහතාගේද සහභාගීත්වයෙන් මෙම පින්කම ನಡೆ ඇත. එහිදී අදහස් දැක්වූ කථානායකවරයා, ලෝභය, ද්වේෂය සහ මෝහය ප්රහීන කළ පාලකයන් පිරිසක් වත්මන් රජය තුළ දැකගත හැකි බවත්, සංස්කෘතික පිබිදීමක් සමඟ මත්ද්රව්ය උදුරා දැමීමේ වැඩසටහන් මෙන්ම සියලු ජනකොටස් අතර ශ්රී ලාංකික අනන්යතාවක් ගොඩනැගෙමින් පවතින බවත් පෙන්වා දුන්නේය. පුද්ගලයෙකු පරිපූර්ණ ලෙස නිරෝගී වීමට නම් කායික, මානසික, සමාජීය මෙන්ම ආධ්යාත්මික යන අංශ හතරින්ම සැපවත් විය යුතු බවද වෛද්යවරයකු වන ඒ මහතා වැඩිදුරටත් අවධාරණය කළේය.
