සිංහල හා දෙමළ අලුත් අවුරුද්ද නිමිත්තෙන් බන්ධනාගාර ගත කර සිටින රැඳවියන් සඳහා සිය ඥාතීන් හමුවීමට විශේෂ අවස්ථාවක් ලබාදීමට බන්ධනාගාර දෙපාර්තමේන්තුව පියවර ගෙන තිබේ. බන්ධනාගාර මාධ්ය ප්රකාශක, බන්ධනාගාර කොමසාරිස් ඒ.සී. ගජනායක මහතා සඳහන් කළේ අප්රේල් 13 සහ 14 යන දෙදින තුළ මෙම විශේෂ අමුත්තන් බැලීමේ අවස්ථාව විවෘත කර ඇති බවයි. බන්ධනාගාර දෙපාර්තමේන්තුවේ උපදෙස් මත දිවයිනේ සියලුම බන්ධනාගාර වෙත මෙම පහසුකම ක්රියාත්මක වේ.
මෙම විශේෂ අවස්ථාව යටතේ රැඳවියන්ගේ ඥාතීන්ට එක් රැඳවියෙකුට ප්රමාණවත් වන පරිදි සකස් කළ ආහාර හෝ රසකැවිලි පාර්සලයක් සහ සනීපාරක්ෂක ද්රව්ය අඩංගු පාර්සලයක් ලබාදීමට අවසර හිමිවෙයි. අවුරුදු උදාවත් සමඟ බන්ධනාගාර ගතව සිටින පුද්ගලයින්ට සිය පවුලේ සාමාජිකයන් සමඟ සබඳතා පවත්වා ගැනීමට සහ මානුෂීය අවශ්යතා සපුරා ගැනීමට මෙමගින් ඉඩ සැලසේ.
