ඉදිරි දශකයේ සෑම පුරවැසියකුටම ආරක්ෂිත, පිරිසුදු සහ ස්වාභාවිකව තිරසර පානීය ජලය ලබාදීම උපායමාර්ගික ජාතික අරමුණක් විය යුතු බව විද්යා හා තාක්ෂණ ඇමැති මහාචාර්ය ක්රිෂාන්ත අබේසේන මහතා ප්රකාශ කර ඇත.
ශ්රී ලංකා පරමාණුක බලශක්ති මණ්ඩලය (SLAEB) සහ ජාත්යන්තර පරමාණුක බලශක්ති ඒජන්සිය (IAEA) එක්ව කොළඹ රාමඩා හෝටලයේදී සංවිධානය කරන ලද ‘සමස්ථානික පාදක ස්කන්ධ ආකෘතිකරණය සහ කෘත්රිම පුනර්ජනන ක්රියාමාර්යන්හි සඵලතාව ඇස්තමේන්තු කිරීම’ පිළිබඳ කලාපීය පුහුණු පාඨමාලාවේ සමාරම්භක සැසියට එක්වෙමින් අමාත්යවරයා මේ බව සඳහන් කළේය.
භූගත ජලයේ රහස් අවබෝධ කර ගැනීම සඳහා ජල විද්යාවේ සමස්ථානික තාක්ෂණය මුළු ලෝකයේම බහුලව භාවිත වන අතර, කෘත්රිම භූගත ජල පුනර්ජනනයේ කාර්යක්ෂමතාව අධ්යයනය කිරීම සඳහා මෙය ප්රධාන ඵලදායී මෙවලමකි.
උතුරු මැද පළාත ඇතුළු වියළි කලාපයේ පවතින නිදන්ගත වකුගඩු රෝගයේ (CKDu) ව්යාප්තිය පානීය ජලයේ ගුණාත්මකභාවය සමඟ දැඩි ලෙස සම්බන්ධ වී ඇති බව පෙන්වා දුන් අමාත්යවරයා, ‘ප්රති ආසෘති’ (Reverse Osmosis – RO) ජල පිරිපහදු පද්ධති මත පමණක්ම ඉදිරියේදී යැපෙන්නට නොහැකි බවත්, මේ සඳහා ස්ථිර විසඳුමක් ලෙස ආරක්ෂිත සහ පිරිසුදු පානීය ජලය ලබාදීම ජාතික අරමුණක් විය යුතු බවත් අවධාරණය කළේය.
ආසියා-පැසිෆික් කලාපීය සාමාජික රටවල නියෝජිතයන්, ජාත්යන්තර විශේෂඥයන් මෙන්ම ජාතික ජල සම්පාදන හා ජලාපවහන මණ්ඩලයේ සහ ජල සම්පත් මණ්ඩලයේ නිලධාරීහු පිරිසක් මෙම අවස්ථාවට සහභාගී වූහ.
