ජාත්යන්තර පරමාණුක බලශක්ති නියෝජිතায়තනයේ (IAEA) ශ්රී ලංකා නිත්ය නියෝජිත සහ තානාපති ලෙස පත්වූ දයානි මෙන්ඩිස් මහත්මිය, ඔස්ට්රියාවේ වියනා නුවර පිහිටි එම නියෝජිතායතන මූලස්ථානයේදී එහි අධ්යක්ෂ ජනරාල් රෆායෙල් මරියානෝ ග්රොසි (Rafael Mariano Grossi) මහතා වෙත සිය අක්තපත්ර නිල වශයෙන් භාර දී තිබේ.
මෙම අවස්ථාවට ඔස්ට්රියාවේ ශ්රී ලංකා තානාපති කාර්යාලයේ අමාත්ය උපදේශක මහේෂ් ගුණවර්ධන සහ උපදේශිකා නීතා චන්ද්රසේන මහත්ම මහත්මීහු ද සහභාගී වූහ.
තානාපතිනි මෙන්ඩිස් මහත්මිය විසින් ජනාධිපති අනුර කුමාර දිසානායක මහතාගේ සුබපැතුම් අධ්යක්ෂ ජනරාල්වරයා වෙත පිරිනමමින්, 1957 වසරේ සිට ශ්රී ලංකාව සහ පරමාණුක බලශක්ති නියෝජිතායතනය අතර පවතින දීර්ඝකාලීන සබඳතාව පිළිබඳව කරුණු පැහැදිලි කළාය.
විශේෂයෙන්ම මානව සෞඛ්ය සහ කෘෂිකර්මය යන ක්ෂේත්රයන්හි තාක්ෂණික සහයෝගිතා වැඩසටහන් යටතේ නියෝජිතායතනය ලබා දෙන සහාය පිළිබඳව ඇය සිය ස්තූතිය පුද කළාය.
පිළිකා ප්රතිකාර සඳහා ලබාදෙන අඛණ්ඩ සහය සහ PCR යන්ත්ර පරිත්යාග කිරීම අගය කළ අධ්යක්ෂ ජනරාල් ග්රොසි මහතා, ශ්රී ලංකාවට අවශ්ය අමතර සහය ලබාදීමටත්, දෙපාර්ශ්වය අතර සබඳතාව තවදුරටත් ශක්තිමත් කිරීමටත් නියෝජිතායතනය සූදානම් බව අවධාරණය කළේය.
